بەڕێوەبەری ڕێگاوبانی دھۆک رایگه‌یاند: دوو پڕۆژەی تازە فەرمانیان بۆ دەرچووە و دەست بە جێبەجێکردنیان دەکرێت.
خەدیجە محەمەد، بەڕێوەبەری ڕێگاوبانی دھۆک، رایده‌گه‌یه‌نێـت: کۆمەڵێک پرۆژەی ڕێگاوبان لە سنووری پارێزگای دھۆک لە واری جێبەجێکردندان و دوو پڕۆژەش تازە فەرمانیان بۆ دەرچووە و دەست بە جێبەجێکردنیان دەکرێت و ئەوانەی دەستیان پێ کراوە بریتین لە ڕێگای باعدرێ و ڕێگای سێمێل باتیل و ڕێگای ئیبراھیم خەلیل بۆ دێرەبوون، ئەو سێ پڕۆژەیە حه‌فتا ملیار دیناریان بۆ تەرخان کراوە و کاری باشیان تێدا کراوە و دوو پڕۆژەیان ئەمساڵ تەواو دەبن و تەنھا ڕێگای ئیبراھیم خەلیل دەمێنێت.
خەدیجە محەمەد گوتیشی: دوو پڕۆژەی دیکە ئێستا ڕەزامەندییان لەسەر دراوە بۆ ئەوەی جێبەجێ بکرێن، ئەوانیش ئۆڤەرپاسی زاخۆ و ئەوەی دیکەش نۆژەنکردنەوەی ڕێگای زاخۆ بۆ ئیبراھیم خەلیلە.
گوتیشی: ئەو دوو پڕۆژەیە بەم نزیکانە دەست بە جێبەجێکردنیان دەکرێت، یەکێکیان ھەشت ملیار دیناری بۆ تەرخان کراوە و ئەوەی دیکەش چوار ملیار دینار.
کۆمێنت (0)
تا ئێستا هیچ کۆمێنتێک نەکراوە.