سینه‌ماكاری ناوداری كورد "به‌همه‌ن قوبادی" به به‌ده‌ستێهنانی 6 خه‌ڵاتی گرینگی سینه‌مایی له خوله جۆراوجۆره‌كانی فێستیڤاڵ ، نێوده‌وڵه‌تی فیلمی "كان"ی فه‌ڕه‌نسا پڕشانازیترین ده‌رهێنه‌ری كوردی مێژووی سینه‌مای ئێران و كوردستانه.
فیلمی سینه‌مایی "ساتێك بۆ مه‌ستی ئه‌سپه‌كان" A Time for Drunken Horses یه‌كه‌مین به‌رهه‌می بڵندی سینه‌ماكاری به‌ئه‌زموونی كورد "به‌همه‌ن قوبادی" له په‌نجا و سێیه‌مین خولی فێستیڤاڵی نێوده‌وڵه‌تی فیلمی "كان" له ساڵی 2000 له شاری كان له وڵاتی فه‌ڕه‌نسا نمایشكرا و سێ خه‌ڵاتی ئه‌م فێستیڤاڵه گرینگه‌یسینه‌مای جیهان به‌ده‌ستهێنا، له‌وانه: خه‌ڵاتی "كامێڕای زێڕین" Camera Dor و له به‌شی "دوو هه‌فته‌ی ده‌رهێنه‌ره‌كان"دا خه‌ڵاتی "ئه‌زموون و هونه‌ر" C.I.C.A.E واته "به‌هره‌مه‌ندی گه‌نج، به‌رهه‌می داهێنه‌ر و بوێرانه"ی ئه‌م به‌شه و هه‌روه‌ها خه‌ڵاتی "فیپڕشی" FIPRESCI واته "فیدڕاسیونی نێوده‌وڵه‌تی ڕخنه‌گرانیسینه‌ما".
له درێژه‌دا فیلمی سینه‌مایی "گۆرانییه‌كانی وڵاتی دایكیم" Marooned in Iraqله ده‌رهێنانی قوبادی له په‌نجا و پێنجه‌مین خولی فێستیڤاڵی نێوده‌وڵه‌تیفیلمی "كان" له ساڵی 2002 نمایشكرا و خه‌ڵاتی "فڕانسوا شاڵه"ی The
Francois - Chalais به‌ده‌ستهێنا.
ئه‌م سینه‌ماكاره كورده ساڵی 2009 به فیلمی سینه‌مایی "كه‌س ئاگای له پشیله‌یئێرانییه‌كان نییه!" No One Knows About Persian Cats له به‌شی "جۆرێكڕوانین" له شه‌ست و دووه‌مین خولی فێستیڤاڵی نێوده‌وڵه‌تی فیلمی "كان"به‌شداریی كرد و خه‌ڵاتی "فڕانسوا شاڵه" و هه‌روه‌ها خه‌ڵاتی تایبه‌تی بۆ "كاره نوێیه‌كان و ڕوانی نوێی" به‌ده‌ستهێنا.
"به‌همه‌ن قوبادی" به وه‌رگرتنی سێ خه‌ڵاتی فیلمی سینه‌مایی "ساتێك بۆ مه‌ستی ئه‌سپه‌كان"، یه‌ك خه‌ڵاتی فیلمی سینه‌مایی "گۆرانییه‌كانی وڵاتی دایكیم" وهه‌روه‌ها دوو خه‌ڵاتی فیلمی سینه‌مایی "كه‌س ئاگای له پشیله‌ی ئێرانییه‌كان
نییه!"، به به‌ده‌ستهێنانی 6 خه‌ڵاتی گرینگی سینه‌مایی له به‌شه جۆراوجۆره‌كانیفێستیڤاڵی فیلمی "كان"، پڕشانازیترین ده‌رهێنه‌ره له مێژووی سینه‌مای ئێرانو كوردستان.
به گشتیی سینه‌مای ئێران تا ئێستا له 71 خولی فێستیڤاڵی نێوده‌وڵه‌تی فیلمی "كان"، 39 خه‌ڵاتی به‌ده‌ستهێناوه كه 6 خه‌ڵاته‌كه‌ی "به‌همه‌ن قوبادی" له‌ڕیزبه‌ندی سه‌ره‌وه‌ی ئه‌م خه‌ڵاته‌نه دایه و وه‌كوو سینه‌ماكارێكی سه‌ركه‌وتوو دێته
ئه‌ژمار، كه زۆرترین خه‌ڵاتی له‌م فێستیڤاڵه گرینگه بۆ خۆی مسۆگۆ كردووه.
بێگومان سینه‌ماكاری ناوداری كوردی ئێرانی "عه‌باس كیارۆسته‌می" به فیلمی سینه‌مایی"تامی گێلاس" Taste of Cherry له په‌نجایه‌مین خولی فێستیڤاڵی نێوده‌وڵه‌تیفیلمی "كان" له ساڵی 1997، خه‌ڵاتی "جڵه خورمای زێڕین"ی Palme d'Orبه‌ده‌ستهێنا كه یه‌كه‌مین خه‌ڵاتی گرینگی سینه‌مای ئێران له ئاستی جیهان دێته ئه‌ژمار و وه‌رگرتنی سێ خه‌ڵاتی دیكه له‌م فێستیڤاڵه، یه‌كێكی دیكه له‌سینه‌ماكارانی پڕشانازی ئێرانه و "ئه‌سغه‌ر فه‌رهادی" و "جه‌عفه‌ر په‌ناهی"یه‌كێكی دیكه له‌و سینه‌ماكاره ئێرانییانه‌ن كه له‌م ڕووداوه گرینگه‌ی سینه‌مایجیهان سه‌ركه‌وتنیان به‌ده‌ستهێناوه.
یه‌كه‌مین خولی فێستیڤاڵی نێوده‌وڵه‌تی فیلمی "كان"، ڕۆژی 20ی سێپته‌مبه‌ری ساڵی 1946 له شاری ساحیلی كان له وڵاتی فه‌ڕه‌نسا ده‌ستی پێكرد و یه‌كه‌مین به‌شداربوونی فیلمێكی ئێرانی بۆ فیلمی "كوروش كبیر" واته "كوروشی مه‌زن" له ده‌رهێنانی "مسته‌فا فه‌رزانه" ده‌گه‌ڕێته‌وه كه ساڵی 1962 له به‌شی پێشبڕكێیكورته فیلمی ئه‌م فێستیڤاڵه نمایشكرا.
له درێژه‌دا كورته فیلمی "سه‌رهه‌ڵدانی خۆر" له ده‌رهێنانی "ئه‌حمه‌د فاڕووقی قاجار" له به‌شی پێشبڕكێی كورته فیلمه‌كانی فێستیڤاڵی نێوده‌وڵه‌تی فیلمی"كان" له ساڵی 1965 نمایشكرا و خه‌ڵاتی "ئه‌نجوومه‌نی به‌ڵای ته‌كنیكی"
به‌ده‌ستهێنا. پاشان فیلمی سینه‌مایی "زندگی و دیگر هیچ" واته "ژیان و چی دیكه" Life، and Nothing More... له ده‌رهێنانی "عه‌باس كیارۆسته‌می" له چل و پێنجه‌مین خولی فێستیڤاڵی نێوده‌وڵه‌تی فیلمی "كان" له ساڵی 1992 نمایشكرا و خه‌ڵاتی باشترین فیلمی به‌شی "جۆرێك ڕوانین" و خه‌ڵاتی "رۆسۆلینی" به‌ده‌ستهێنا.
ساڵی 1995 فیلمی سینه‌مایی "بادكنك سفید" واته "پفدانگی سپی" The White Balloon له ده‌رهێنانی "جه‌عفه‌ر په‌ناهی" له چل و هه‌شته‌مین خولی فێستیڤاڵی نێوده‌وڵه‌تی فیلمی "كان" نمایشكرا و توانی خه‌ڵاتی "كامێڕای زێڕین"، خه‌ڵاتی"فیپڕشی" واته "فیدڕاسیونی نێوده‌وڵه‌تی ڕخنه‌گرانی سینه‌ما" و هه‌روه‌ها خه‌ڵاتی باشترین فیلمی به‌شی "پازده ڕۆژ ده‌رهێنه‌ره‌كانی كان"ی به‌ده‌ستێهنا.
ساڵی 2000 فیلمی سینه‌مایی "ته‌خته‌ی ڕه‌ش" Blackboards له ده‌رهێنانی "سه‌میرا مه‌خمه‌لباف" له په‌نجا و سێیه‌مین خولی فێستیڤاڵی نێوده‌وڵه‌تی فیلمی "كان" نمایشكرا و توانی "خه‌ڵاتی ده‌دوه‌ران" به‌ده‌ستبێنێت. و له هه‌مان ساڵیشدا فیلمی سینه‌مایی "جومعه" Djomeh له ده‌رهێنانی "حه‌سه‌ن یه‌كتاپه‌ناه" خه‌ڵاتی"كامێڕای زێڕین"ی پێبه‌خشرا.
ساڵی 2001 فیلمی سینه‌مایی "سفر قندهار" واته "سه‌فه‌ری قه‌نده‌هار" Kandahar له ده‌رهێنانی "موحسین مه‌خمه‌لباف" له به‌شی پێشبڕكێی په‌نجا و چواره‌مین فێستیڤاڵی نێوده‌وڵه‌تی فیلمی "كان" نمایشكرا و خه‌ڵاتی گه‌وره‌ی "كڵێسه‌یجیهانی" به‌ده‌ستێهنا.
ساڵی 2002 فیلمی سینه‌مایی "زیر نور ماه" واته "له ژێر ڕووناكی مانگ" Under the Moonlight له ده‌رهێنانی "ڕه‌زا میركه‌ریمی" خه‌ڵاتی باشترین فیلمی به‌شی "هه‌فته‌ی ڕخنه‌گران"ی په‌نجا و پێنجه‌مین خولی فێستیڤاڵی نێوده‌وڵه‌تی فیلمی "كان"ی پێبه‌خشرا.
ساڵی 2003 فیلمی سینه‌مایی "پنج عسر" واته "پێنجی دوانیوه‌ڕۆ" At Five in the Afternoon له ده‌رهێنانی "سه‌میرا مه‌خمه‌لباف" له به‌شی پێشبڕكێی سه‌ره‌كی په‌نجا و شه‌شه‌مین خولی فێستیڤاڵی نێوده‌وڵه‌تی فیلمی "كان" نمایشكرا و خه‌ڵاتی "ئه‌ندامانی لێژنه‌ی دادوه‌ران" و خه‌ڵاتی گه‌وره‌ی "كڵێسه‌ی جیهانی" Prize of the Ecumenical Jury پێبه‌خشرا و هه‌روه‌ها فیلمی سینه‌مایی "تلایسرخ" واته "زێڕیی سوور" Crimson Gold له ده‌رهێنانی "جه‌عفه‌ر په‌ناهی"خه‌ڵاتی "ئه‌ندامانی لێژنه‌ی دادوه‌ران"ی به‌شی پێشبڕكێی "جۆرێك ڕوانینی"به‌ده‌ستێهنا.
ساڵی 2005 فیلمی سینه‌مایی "خواب تلخ" واته "خه‌ونی تاڵ" Bitter Dream له ده‌رهێنانی "موحسین ئه‌میریۆسفی" له په‌نجا و هه‌شته‌مین خولی فێستیڤاڵی نێوده‌وڵه‌تی فیلمی "كان" نمایشكرا و ڕێزلێنانی ئه‌ندامانی لێژنه‌ی دادوه‌رانی"كامێڕای زێڕین" و خه‌ڵاتی "ڕوانینی گه‌نجی" به‌شی "پازده ڕۆژ ده‌رهێنه‌ران"ی
ئه‌م فێستیڤاڵه‌ی پێبه‌خشرا.
ساڵی 2010 فیلمی سینه‌مایی "كپی برابر اسل" واته "كۆپی به‌رانبه‌ره به ئه‌سڵ" Certified Copy له ده‌رهێنانی "عه‌باس كیارۆسته‌می" له به‌شی پێشبڕكێی سه‌ره‌كی شه‌ست و سێیه‌مین خولی فێستیڤاڵی نێوده‌وڵه‌تی فیلمی "كان" نمایشكرا و"ژۆلییه‌ت بێنووش" Juliette Binoche ئه‌كته‌ری ناوداری فه‌ڕه‌نسی ئه‌م فیلمه خه‌ڵاتی باشترین ئه‌كته‌ری ئافره‌تی ئه‌م فێستیڤاڵه‌ی به‌ده‌ستهێنا.
ساڵی 2011 فیلمی سینه‌مایی "این یك فیلم نیست" واته "ئه‌وه یه‌ك فیلم نییه" This Is Not a Film له ده‌رهێنانی "جه‌عفه‌ر په‌ناهی" له به‌شی پێشبڕكێیسه‌ره‌كی شه‌ست و چواره‌مین خولی فێستیڤاڵی نێوده‌وڵه‌تی فیلمی "كان" نمایشكرا و خه‌ڵاتی "كڵێسه‌ی زێڕینی" به‌شی "پازده ڕۆژ ده‌رهێنه‌ران"ی به‌ده‌ستێهنا وفیلمی سینه‌مایی "به امید دیدار" واته "به ئه‌مێدی دیدار" Goodbye له ده‌رهێنانی "محه‌مه‌د ڕه‌سووڵ ئۆف" خه‌ڵاتی باشترین ده‌رهێنه‌ری به‌شی "جۆرێكڕوانین" و هه‌روه‌ها خه‌ڵاتی "فڕانسوا شاڵه"ی پێبه‌خشرا.
ساڵی 2013 فیلمی سینه‌مایی "گزشته" واته "ڕابردوو" The Past له ده‌رهێنانی "ئه‌سغه‌ر فه‌رهادی" له به‌شی پێشبڕكێی سه‌ره‌كی شه‌ست و شه‌شه‌مین خولی فێستیڤاڵی نێوده‌وڵه‌تی فیلمی "كان" نمایشكرا و "بێرێنیس بێرژۆ" Bérénice Bejo ئكته‌ری ئه‌م فیلمه خه‌ڵاتی باشترین ئه‌كته‌ری ئافره‌ت و فه‌رهادی خه‌ڵاتی "كڵێسه‌یجیهانی"ی به‌ده‌ستهێنا و له هه‌مان ساڵیشدا فیلمی سینه‌مایی "دست نوشته‌ها نمیسوزند" واته "ده‌ستنووسه‌كان ناسووتێن" Manuscripts Don't Burn له‌ده‌رهێنانی "محه‌مه‌د ڕه‌سووڵ ئۆف" خه‌ڵاتی "فیپڕشی" پێبه‌خشرا.
ساڵی 2015 فیلمی سینه‌مایی "ناهید" Nahid له ده‌رهێنانی "ئایدا په‌ناهه‌نده" به ده‌ورگێڕانی "نه‌وید محه‌مه‌دزاده" خه‌ڵاتی "داهاتووی ڕووناك"ی BrightFuture به‌شی "جۆرێك ڕوانینی"ی شه‌ست و هه‌شته‌مین خولی فێستیڤاڵی فیلمی"كان"ی به‌ده‌ستهێنا.
ساڵی 2016 فیلمی سینه‌مایی "فروشنده" واته "فرۆشیار" The Salesman له‌ده‌رهێنانی "ئه‌سغه‌ر فه‌رهادی" له به‌شی پێشبڕكێی سه‌ره‌كی شه‌ست و نۆیه‌مین خولی فێستیڤاڵی فیلمی "كان" نمایشكرا و خه‌ڵاتی "باشترین سیناریۆ" و هه‌روه‌ها ئه‌كته‌ری ناوداری سینه‌مای ئێران "شه‌هاب حوسێنی" خه‌ڵاتی باشترین ئه‌كته‌ریپیاویی به‌ده‌ستهێنا.
ساڵی 2017 فیلمی سینه‌مایی "لۆڕد" A Man of Integrity له ده‌رهێنانی "محه‌مه‌مه‌د ڕوسووڵ ئۆف" له حه‌فتایه‌مین خولی فێستیڤاڵی نێوده‌وڵه‌تی فیلمی"كان" نمایشكرا و خه‌ڵاتی به‌شی "جۆرێك ڕوانینی" ئه‌م فێستیڤاڵه‌ی
به‌ده‌ستهێنا.
ساڵی 2018 فیلمی سینه‌مایی "سه رخ" واته "سێ ڕوخسار" Three Faces له ده‌رهێنانی "جه‌عفه‌ر په‌ناهی" له به‌شی "پێشبڕكێی سه‌ره‌كی" حه‌فتا و یه‌كه‌مینخولی فێستیڤاڵی نێوده‌وڵه‌تی فیلمی "كان" نمایشكرا و خه‌ڵاتی باشترین
سیناریۆی به‌ده‌ستهێنا.
ئا/ مه‌نسوور جیهانی
دارشتنه‌وه‌ی/ كامران
کۆمێنت (0)
تا ئێستا هیچ کۆمێنتێک نەکراوە.