باڵیۆزخانه‌ی ئه‌مریكا له عێراق ئه‌مڕۆ یه‌ك شه‌ممه هۆشدارییه‌كی ئه‌منی تازه‌ی راگه‌یاندو داوا له فه‌رمانبه‌رانی كونسولخانه‌ی ئه‌مریكا له‌به‌سره كردووه خۆیان به‌دوور بگرن له جموجۆڵ له نێو پارێزگاكه‌دا.
خۆپیشاندانه‌كانی به‌سڕه له 8ی ته‌مووزی رابردوو به‌دواوه، به‌ھۆی نه‌بوونی خزمه‌تگوزاری گشتی له‌و شاره ده‌ستیپێكردبوو، ھاوكات رۆژ له دوای رۆژ خۆپیشاندانه‌كان په‌ره‌ده‌سێنن.
له چه‌ند رۆژی رابردووشدا خۆپیشانده‌ران هێرشیان كرده سه‌ر باره‌گا حزبییه‌كان و ئاگریان تێبه‌ردا، هاوكات چوونه نێو باڵیۆزخانه‌ی ئێران له‌به‌سره‌و ئه‌میشیان سووتاند.
به‌ره‌به‌یانی دوێنێ حه‌یده‌ر عه‌بادی ، سه‌رۆكوزه‌یرانی عێراق، بڕیاریدا به ره‌وانه‌كردنی به‌رپرسانی سه‌ربازیی و ئه‌منی بۆ لێكۆڵینه‌وه و كه‌مته‌رخه‌میان له پارێزگاریی نه‌كردن له فه‌رمانگه حكوومییه‌كان و باڵه‌خانه‌ی كۆنسوڵخانه‌ی ئێران له شاری به‌سڕه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.