نووسه‌ر " سابیر ره‌شید " له دوایین كاری ئه‌ده‌بی خۆیدا ، هه‌ڵساوه به كۆكردنه‌وه و نووسین و بڵاوكردنه‌وه‌ی كتێبی ئینسكلۆپیدیای نووسه‌ر و چیرۆكنووسی كورد " له‌تیف حامید به‌رزنجی " .
ئه‌م كتێبه له شاری هه‌ولێر له دوو توێی 700 لاپه‌ره به قه‌باره‌ی گه‌وره بڵاوكرایه‌وه كه یه‌كێكه له بڵاوكراوه‌كانی ئه‌كادیمیای كوردی و له چاپخانه‌ی زانكۆی سه‌ڵاحه‌دین چاپكراوه .
نووسه‌ری ئه‌م ئینسكلۆپیدیایه ئاشكرایده‌كات ، ئه‌م كتێبه به‌رهه‌می یه‌ك ساڵ ماندوبوونیه‌تی و سه‌رجه‌م ده‌ستنووس و چیرۆك و بابه‌ته‌كانى پێوه‌ندیدار به" له‌تیف حامید به‌رزنجى" تێدا كۆ كراوه‌ته‌وه، به شێوه‌یه‌ك ده‌كرێت وه‌ك سه‌رچاوه‌یه‌كى گرنگ بێت بۆ ئه‌و توێژه‌ر و ئه‌دیبانه‌ى بایه‌خ به ئه‌ده‌بى "له‌تیف حامید به‌رزنجى" ده‌ده‌ن .
له‌م كتێبه‌دا چه‌ندان بابه‌تى ره‌خنه‌یى و ئه‌ده‌بى و نامه‌ى تایبه‌تى" له‌تیف حامید به‌رزنجی " و وێنه بڵاو كراونه‌ته‌وه، هه‌ندێك له بابه‌ته‌كان به زمانى عه‌ره‌بى نووسراون، هه‌ندێكى تر له وه‌رگێڕانه‌كانى حامید به‌رزنجین .
نووسه‌ر و چیرۆكنووسى كورد له‌تیف حامید به‌رزنجى له ساڵى 1940 له چه‌مچه‌ماڵ له‌دایكبووه وله‌ساڵى 1974 كۆچى دوایى كردووه .
کۆمێنت (0)
تا ئێستا هیچ کۆمێنتێک نەکراوە.