هونه‌ر جیهانێكی گه‌وره و به‌رفراوانه ، هه‌ر هونه‌رمه‌ندێك ده‌توانێت به شیوه‌یه‌ك له شێوه‌كان دربڕینی خۆی تێیدا ئه‌نجامبدات ، بۆ پتر ده‌وڵه‌مه‌ند كردنی ئه‌م هونه‌ره و گه‌یاندنی به رووی جیهاندا " سه‌روان گه‌ردی " هونه‌رمه‌ند توانیویه‌تی به كاری ده‌ستی سه‌رجه‌م شوێنه‌وار و شوێنه گه‌شتیارییه‌كانی كوردستان دروستبكات .
ئه‌و هونه‌رمه‌نده ئاشكرایده‌كات سه‌ره‌تا به كاری بچووك ده‌ستی پێكردووه ،دواتر كاره‌كه‌ی به‌رفراوانتر كردووه ئه‌ویش به دروستكردنی شوێنه‌واره‌كانی كوردستان ، ناوبراو گرنگییه‌كی زۆری به كاره‌كه‌ی خۆی داوه تا گه‌یشتۆته ئه‌و قۆناغه و نیازیشی وایه له رێگه‌ی هونه‌ری ده‌ستی جوانییه‌كانی كوردستان پیشانی جیهان بدات .
ئه‌و كارانه‌ی " سه‌روان " تا ئێستا ئه‌نجامیداوه بریتین له " پردی ده‌لال ، كه‌لها خانزاد ، مناره‌ی چۆلی ، ئاشی كفری و ئۆردۆگای زێوه " ، ناوبراو هیوا ده‌خوازێت هاریكاری ئه‌و كه‌سانه‌ی وه‌ك ئه‌و بكرین بۆ به‌ده‌ستهێنانی ئه‌و كه‌لو په‌للانه‌ی له كاره‌كانی به‌كاری ده‌هێنێت .
جێی باسه سه‌روان گه‌ردی له ساڵی 1987 له یه‌كێك له گونده‌كانی رۆژهه‌ڵاتی كوردستان له دایك بووه و له ساڵی 2011 چه‌كی پێشمه‌گایه‌تی خستۆته شان و له ئێستا له شارۆچكه‌ی پیرمام داده‌نیشێت .
کۆمێنت (0)
تا ئێستا هیچ کۆمێنتێک نەکراوە.