به هۆی ده‌مه‌قاڵی نێوان چه‌ند كه‌سێك كه ئاموزای یه‌كترن، كه‌سێكی ته‌مه‌ن ٣٤ سالان به ناوی سیروان یاسین ئیدریس له لایه‌ن ئاموزایه‌كییه‌وه ته‌قه‌ی لیكرا و كوژرا .
سه‌رچاوه‌یه‌كی ئه‌منی به په‌یامنێری كوردستان تیڤی راگه‌یاند : كاتژمێر 12:10 خوله‌كی نیوه‌رۆی ئه‌مڕۆ به هۆی ده‌مه‌قاڵی نێوان چه‌ند كه‌سێك كه ئاموزای یه‌كترن كه‌سیَكی ته‌مه‌ن ٣٤ سالان به ناوی سیروان یاسین ئیدریس له لایه‌ن ئاموزاكه‌ی ته‌قه‌ی لیكرا و كوژرا .
سه‌رچاوه‌كه گوتیشی: به پێی زانیارییه سه‌ره‌تاییه‌كان كه‌سی كوژراو ته‌قه‌ی له كه‌سێكی تر كردووه برینداری كردووه دواتر ئاموزایه‌كی كوژراو ده‌ست رێژی فیشه‌ك له سیروان یاسین ده‌كاو بریندار ده‌بێت ، له كاتی گه‌یشتنی بۆ نه‌خۆشخانه‌ی به‌رده‌ره‌ش گیانی له ده ستدا .
سه‌رچاوه ئه‌منییه‌كه گوتیشی: تا ئێستا بكوژه‌كه ده ستگیر نه‌كراوه، زانیارییه‌كان ئاماژه به‌وه ده‌كه‌ن كه پێشتر كێشه‌ی خێزانی له نێوانیاندا هه‌بووه .
داڕشتنه‌وه‌ی: رزگار
کۆمێنت (0)
تا ئێستا هیچ کۆمێنتێک نەکراوە.