وه‌زیری ده‌ره‌وه‌ی رایده‌گه‌ێنێ، رێكخراوی تیرۆریستی داعش كۆتایی نه‌هاتووه‌و له ناوچه‌كانی دیكه‌ی وه‌ك ئه‌فغانستان ده‌ستی به خۆ رێكخستنه‌وه كردووه.
ئه‌مرۆ شه‌ممه 24-2- 2018 محه‌مه‌د جه‌واد زه‌ریف، وه‌زیری ده‌ره‌وه‌ی ئێران له وتارێكیدا له زانكۆی ته‌هران رایگه‌یاند: رۆژ ئاوا به‌هه‌ڵداچوون ئه‌گه‌ر وابیر بكه‌نه‌وه كه داعش كۆتایی هاتووه، ئه‌و گومانه‌ش وایكردووه كه به ده‌نگێكی به‌رز به‌رامبه‌ر به ئێران قسه بكه‌ن، ئه‌وان ده‌ڵێن مادام داعش كۆتایی هاتووه، بۆچی گوێ له ئێران بگرین.
زه‌ریفی گوتیشی: هۆكاری بڵاوبوونه‌وه‌ی داعش بریتییه له ده‌ست تێوه‌ردانی ده‌ره‌كی و جه‌نگی ئه‌مریكا له عێراق و سته‌مه‌كانی ئیسرائیل له‌سه‌ر گه‌لی فه‌له‌ستین، هه‌روه‌ها بێ ئومێدبوونی هاووڵاتیانیش له‌ده‌سته‌به‌ركردنی پێداویستییه‌كانیان، هۆكارێكی دیكه‌ی سه‌رهه‌ڵدانی داعشه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.