شەوی رابردوو لە گوندی سێبەردان لە شارۆچکەی کەسنەزان ژن و مێردێک دەکوژرێن، پۆلسی هەولێر وردەکاری رووداوەکە باس دەکات و دەڵێت، ئەو ژن و مێردە لە خەودا و لە ماڵەکەی خۆیاندا کوژراون و بەگوللە لەسەریان دراوە.
هۆگر عەزیز، گوتەبێژی پۆلیسی هەولێر راگەیاند شەوی رابردوو (18-1-2018) کەسێک هەڵدەکوتێتە سەر ماڵێک لە گوندی سێبەردانی شارۆچکەی کەسنەزان و ژن و مێردێک دەکوژێت، کە چوار مانگە هاوسەرگیرییان کردووە.
گوتەبێژی پۆلیسی هەولێر دەڵێت، پێشتر پیاوەکە ژنێکی دیکەی هەبووە و لەو ژنە خاوەنی دوو کچە، بەڵام بەهۆی کێشەیەکەوە لەیەکدی جیابوونەتەوە، دوای چوار مانگ ئەو ژنەی هێناوە و لەکاتی رووداوەکەش هەردوو منداڵەکە لە ماڵەوەبوون و ئاگاداری چۆنییەتی رووداوەکە بوون.
سەبارەت بەناوی کوژراوەکان، گوتەبێژی پۆلیسی هەولێر دەڵێت، پیاوەکە ناوی هۆگر تاهیرە و تەمەنی 29 ساڵە و هاوژینەکەیشی ناوی چنار سەباحە و تەمەنی نزیکەی 20 ساڵە.
بەگوتەی هۆگر عەزیز، تاوەکو ئێستا تاوانبار دەستگیر نەکراوە و دەشڵێت پۆلیس دۆسیەی لێکۆڵینەوەی بۆ رووداوەکردووەتەوە و تیمەکانی پۆلیس و بەڵگەوتاوان و نەهێشتنی تاوان سەرقاڵی دۆزینەوەی تاوانبار و هۆکاری راستەقینەی کوشتنەکەن.
کۆمێنت (0)
تا ئێستا هیچ کۆمێنتێک نەکراوە.