وەزارەتی پەروەردە: تاقیکردنەوەی پسپۆڕی بۆ پلەی سەرپەرشتیاری ئەنجام دەدرێت

ئەمڕۆ چوارشەممە 17/1/2017، وەزارەتی پەروەردەی حکوومەتی ھەرێمی کوردستان، لە راگەیەندراوێکدا، ئاشكراى ده‌كات كه‌ ڕۆژی دووشەممە ٢٢/١/٢٠١٨ کاتژمێر 9:00ی بەیانی لە ھەر یەک لە سەنتەری پارێزگاکانی ھەولێر، سلێمانی، دھۆک و ئیدارەی گەرمیان، بۆ ئەو مامۆستایانەی کە خۆیان پاڵاوتووە بۆ بەشداریکردنی وەرگرتنی پلەکە، تاقیکردنەوەی پسپۆڕی بۆ پلەی سەرپەرشتیاری ھەردوو قۆناغی بنەڕەتی و ئامادەیی ئەنجام دەدرێت.

وەزارەتی پەروەردەی ھەرێمی کوردستان، ئەوەشی خستووەتەڕوو، کە لە پارێزگای ھەولێر، تاقیکردنەوەکان بۆ ھەردوو قۆناغی بنەڕەتی و ئامادەیی، کۆمەڵگەی شەھید فاخیر مێرگەسۆری/ نزیک نەخۆشخانەی فریاکەوتنی ڕۆژئاوا ئەنجام دەدرێت، لە پارێزگای سلێمانی، تاقیکردنەوەی قۆناغی بنەڕەتی، لە قوتابخانەی ھەواری بنەڕەتی کچان/ سەرەتای شەقامی تووی مەلیک، تاقیکردنەوە قۆناغی ئامادەیی، لە قوتابخانەی ئامادەیی شەھید جەمال تاھیری کچان/ سەرەتای شەقامی تووی مەلیک ئەنجام دەدرێت.

ھەروەھا بۆ پارێزگای دھۆک، تاقیکردنەوەی قۆناغی بنەڕەتی، لە قوتابخانەی ئامادەیی شالینی کچان، بەرامبەر ئۆتێل سۆلاڤ و تاقیکردنەوەی قۆناغی ئامادەیی، لە قوتابخانەی ئامادەیی بژارە، بەرامبەر ئۆتێل سۆلاڤ ئەنجام دەدرێت، بۆ ئیدارەی گەرمیانیش، ئیدارەی گەرمیان، تاقیکردنەوە، بۆ ھەردوو بنەڕەتی و ئامادەیی، لە قوتابخانەی ئامادەیی کوردستانی نوێی تێکەڵ، بەرامبەر بەڕێوەبەرایەتی گشتیی پەروەردەی گەرمیان، ئەنجام دەدرێت.

لەو راگەیەندراوەدا، وەزارەتی پەروەردە، جەختی لەوەش کردووەتەوە، کە مامۆستایانی پاڵێوراوی ھەردوو پارێزگای ھەڵەبجە و کەرکووک لە پارێزگای سلێمانی تاقیکردنەوە ئەنجام دەدەن، پێویستە بەشداربوو یەکێک لە بەڵگەنامەکانی (ناسنامەی باری شارستانی یا کارتی نیشتمانی یا پاسپۆڕت) لەگەڵ خۆی بۆ ھۆڵی تاقیکردنەوە بھێنێت.