فوئاد مه‌عسوم سه‌ۆك كۆمارێ عیراقێ ب هه‌لكه‌فتا نوزده‌هه‌مین سالڤه‌گه‌را سازیا سه‌ته‌لایتا كوردستان په‌یامه‌ك راستی برێڤه‌برێ گشتی و رۆژنامه‌ڤانێن كه‌نالێ كر. ئه‌ڤژی ته‌كستا وێ یه:
به‌رێزان برێڤه‌برێ گشتی و رۆژنامه‌ڤانێن كه‌نالا كوردستان تیڤی، ب هه‌لكه‌فتا نوزده‌میین سالڤه‌گه‌را ئاڤابوونا كه‌نالا كوردستان تیفی،پیرۆزباهیه‌ك گه‌رم پێشكێشی وه دكه‌م و داخوازا پێشكه‌فتنا بهتر بۆ وه دخوازم د گه‌هاندنا په‌یاما مه‌دیایا نشتیمانی و پێشه‌یی ده.
ئیرۆ كوردستان تیفی مل ب ملێ كه‌نالێن فه‌زائی یێن دن، وه‌ك چاوا به‌رێ جهێ ده‌ستێ وێ دیار بوو، رۆله‌ك به‌رچاڤ گرتیه به‌ر د رۆمالا نووچه و بویه‌ر و گوهه‌رتنان ده ب ئاوایه‌كی پیشه‌یی كو پێ هاتیه ناسین.
د ڤێ ره‌وشا كو وه‌لاتێ مه تێده ده‌رباس دبه كه‌نالا وه دكاره رۆله‌ك گرنگ ببینه ژبۆ بهێز كرنا جانێ ته‌بایی و برایه‌تی و پێكڤه‌ژیانێ ب ئاشتی، چ د ناڤبه‌را گه‌لێ مه، چ د ناڤبه‌را هێزێن سیاسی و نشتیمانی ده و په‌یداكرنا ئارامیه‌كی ژبۆ لێك تێگه‌هشتنا نشتیمانی و چاره‌سه‌ركرنا پرسگرێكێن د ناڤبه‌را هكوومه‌تا فیدرال و هكوومه‌تا هه‌رێما كوردستانێ و د چارچۆڤه‌یا ده‌ستوورێ د پێناڤ په‌یداكرنا مافێ هه‌موو پێكهاتان لسه‌ر بنه‌مایێ ماف و ئه‌رك و وه‌لاتیبونێ و به‌ره‌ڤ پێشڤه‌چوونا سیسته‌ما ده‌موكراسی و فیدرالا مه ده.
سه‌ركه‌فتن و پێكشه‌فتنا به‌رده‌وام بۆ كوردستان تیفی و هه‌موو ساله‌كی هه‌ر ب خۆشی و ئاشتی به.
دكتور فوئاد مه‌عسوم
سه‌رۆك كۆمارێ ئێراق
کۆمێنت (0)
تا ئێستا هیچ کۆمێنتێک نەکراوە.