له نوێترین به‌شدارییه‌كانی كورته فیلمی" سه‌گی برسی " كه له سیناریۆ و ده‌رهێنانی "راژان عه‌زیز" ه ئه‌مجاره‌یان له خولی پێنجه‌مینی خه‌ڵاتی (ته‌هارقا) ی سینه‌مایی به‌شدار ده‌بێت .
ته‌هارقا پێنجه‌مین پاشای (25) ه‌مین خانه‌واده‌ی فیرعه‌ونه‌كان بووه كه له ساڵی (670) ی پێش زایین پادشای میسر بووه ،ئه‌م پێشبركێیه ساڵانه به به‌شداری فیلمی سینه‌ماكارانی جیهانی به‌رێوه‌ده‌چێت و خه‌ڵاتی ته‌هارقا ده‌به‌خشرێته فیلمه سه‌ركه‌وتووه‌كان.
كورته فیلمی" سه‌گی برسی " ماوه‌كه‌ی (15) خوله‌كه باس له پیلان و مه‌ترسییه هه‌رێمیه‌كان بۆ سه‌ر كوردستان ده‌كات ،به تایبه‌ت به به‌شداری به‌شێك وڵاتانی هه‌رێمی و عه‌ره‌بی كه ئاماژه بۆ ئه‌وه ده‌كات كه ه‌وان خولقێنه‌ری داعش و ناردنیان بوون بۆ سه‌ر باشوور و رۆژئاوای كوردستان .
جێی ئاماژه‌یه پێنجه‌مین خولی خه‌ڵاتی" ته‌هارقا"ی سینه‌مایی له ڕۆژانی (22 تا 26) ی كانوونی یه‌كه‌می ئه‌مساڵ به به‌شداری فیلمی سینه‌ماكارانی 32 وڵاتی جیهان له (دوورگه‌ی سواكن) له‌سه‌ر ده‌ریای سوور به‌رێوه‌ده‌چێت .
کۆمێنت (0)
تا ئێستا هیچ کۆمێنتێک نەکراوە.