فەرماندەیەکی ھێزی پێشمەرگەی شنگاڵ، رای دەگەیەنێت کە ئەمڕۆ ھەینی، لە دەڤەری باب ئەلشلوی دەڤەری شنگال، شەڕ لە نێوان چەکدارانی پارتی کرێکارانی کوردستان (پەکەکە) و حەشدی شەعبی رووی دایە و سێ چەکداری حەشدی شەعبی کوژراون.
قاسم دەربۆ، بەرپرسی ئوپەراسیۆنی ھێزی پێشمەرگە لە فەرماندەیی شنگال، بە باسنیوزی راگەیاند: "لە دەڤەری باب ئەلشلۆ لە شارۆچکەی شنگال، ئەمڕۆ ھەینی 22/9/2017 لە خاڵەکی پشکین کێشە لە نێوان حەشدی شەعبی و چەکدارانی پەکەکە رووی داوە، دواتر شەڕە تەقە لە نێوان ھەردوولا دروست بووە و لە ئەنجامدا سێ چەکداری حەشدی شەعبی کوژراون".
بەرپرسی ئوپەراسیۆنی ھێزی پێشمەرگە لە فەرماندەیی شنگال، ئەوەشی خستە روو: "ئێمە ئەوە ناخوازین ھیچ لایەنێکی سیاسی لە شنگال شەڕ بکات و نابێت شنگال ببێتە گۆڕەپانی ململانێی سیاسی".
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.