ئه‌نجوومه‌نی پارێزگای هه‌ولێر، پاڵپشتی له سه‌ربه‌خۆیی كوردستان ده‌كات و پشتیوانی خۆیشی بۆ كاراكردنه‌وه‌ی په‌رله‌مانی كوردستان دووپات كرده‌وه.
ئه‌مڕۆ سێ شه‌ممه كاتژمێر 10:00ی سه‌رله به‌یانی، ئه‌نجومه‌نی پارێزگای هه‌ولێر كۆبوونه‌وه‌ی ئاسایی خۆی له‌سه‌ر دوو خاڵ سازكردو پشتیوانی خۆی ڕیفراندۆمی سه‌ربه‌خۆیی كوردستان ده‌ربڕی و هه‌ر له كۆبوونه‌وه‌كه‌شدا به تێكڕای ده‌نگی ئاماده‌بوان ده‌نگ به به‌ڵێ بۆ ڕیفراندۆم درا.
ئه‌نجومه‌نی پارێزگای هه‌ولێر، له كۆبوونه‌وه‌كه‌شدا پشتیوانی خۆی بۆ كاراكردنه‌وه‌ی په‌رله‌مانی كوردستان و ئه‌نجامدانی كاره‌كانی دووپات كرده‌وه.
له كۆبوونه‌وه‌كه‌ی ئه‌نجوومه‌نی پارێزگای هه‌ولێر، داوا له خه‌ڵكی كوردستانیش كرا، له ڕۆژی ئه‌نجامدانی ڕیفراندۆمدا ده‌نگ به به‌ڵێ بده‌ن.
كوردستانی تیڤی: ئا/ رزگار تاهیر
کۆمێنت (0)
تا ئێستا هیچ کۆمێنتێک نەکراوە.