وەزارەتی شارەوانی و گەشتوگوزار ڕایگەیاند، پڕۆژەیەکی قیرتاوکردن و دروستکردنی ئاوەڕۆ لە گەڕەکی گوڵانی بنەسڵاوە جێبەجێ دەکرێت کە سوود بە پێنج هەزار هاووڵاتی دەگەیەنێت.
ڕۆژی شەممە 25ـی نیسان، وەزارەتی شارەوانی و گەشتوگوزار ڕایگەیاند، لە چوارچێوەی پلانی سەرۆکایەتیی شارەوانیی بنەسڵاوە، پڕۆژەی قیرتاوکردنی شەقام و دروستکردنی ئاوەڕۆی لوولەیی لە گەڕەکی گوڵان بە گوژمەی (63,480,000) دینار جێبەجێ دەکرێت.
پڕۆژەکە لەسەر بودجەی 15%ـی داهاتی سهرۆكایهتیی شارەوانیی بنهسڵاوهیە و پێکهاتووه له ڕێکخستنەوە و قیرتاوکردنی شەقامەکانی گەڕەکەکە بە ڕووبەری 3200 مەتر دووجا، هەروەها دروستکردنی ئاوەڕۆی لوولەیی به تیرەی 60 سانتیمەتر شیشدار بە درێژی 80 مەتر و بۆریی پلاستیکی تیرەی 40 سانتیمەتر بە درێژی 15مەتر و چاڵی پشکنین و چاڵی وەرگرتنی ئاو.
وەزارەتی شارەوانی ئاماژەی بەوەش کردووە، بەتەواوبوونی ئەم پڕۆژەیه، ئاسانکاری هاتوچۆ بۆ زیاتر لە پێنج هەزارهاووڵاتی دەکرێت.
کۆمێنت (0)
تا ئێستا هیچ کۆمێنتێک نەکراوە.