دەسەڵاتدارانی سویسرا بەفەرمی ژمارەی قوربانییانی رووداوی ئاگركەوتنەوەی سەری ساڵی وڵاتەكەیان بڵاو كردەوە كە زیاتر لە 150 كەسە.
دوای تێپەڕبوونی چەند خولەكێك لە سەری ساڵی نوێ بە دروستی لە كاتژمێر 1:30ی شەو، رووداوێكی ئاگركەوتنەوەی گەورە لە شوێنێكی كاتبەسەربردن لە هاوینەهەواری كرانس مۆنتانا لە باشووری رۆژئاوای وڵاتی سویسرا كەوتەوە، شوێنەكە وەك یانەیەكی شەوانە بووە و تایبەت بووە بە یاریی خلیسكێنەی سەر بەفر.
لەبارەی دوایین ئاماری قوربانییەكان، پۆلیسی سویسڕا رایگەیاندووە: 40 كەس گیانیان لەدەستداوە كە زۆرینەیان گەنج و لاون، بەهۆی زۆری رێژەی سوتاوییەكەشیان، ناسنامەی بەشێكیان ناناسرێتەوە.
هەروەها رایگەیاندووە: هەر بەهۆی ئاگرەكە 115 كەس بریندار بوون كە برینی بەشێكیان سەخت و مەترسیدارە.
پۆلیسی سویسرا هەر لە رۆژی كەوتنەوەی ئاگرەكەدا ئاماژەی بەوەدابوو كە رووداوێكی ئاسایی كەوتنەوەی ئاگرە و بەپێی زانیارییە سەرتاییەكان دوور و نزیك پەیوەندی بە كاری تیرۆریستییەوە نییە.
کۆمێنت (0)
تا ئێستا هیچ کۆمێنتێک نەکراوە.