وەزارەتی ڕێگا و شارسازیی ئێران ڕایگەیاند ئاسمانی ڕۆژهەڵاتی ئێران بەسەر گەشتە ئاسمانییە نێوخۆیی و نێودەوڵەتییەکاندا کراوەتەوە.
لە ڕاگەیاندراوی ئەم وەزارەتخانەیەدا کە شەوی چوارشەممە 26ی حوزەیرانی 2025 بڵاو کراوەتەوە هاتووە: سەرجەم گەشتە ئاسمانییەکان جارێ لە فڕۆکەخانەکانی باکوور، باشوور و رۆژئاوای ئێران ڕاگیراون و گەشتە نێودەوڵەتییەکانیش ناتوانن بەسەر ئەم ناوچانەدا بفڕن. جەختیش کراوەتەوە ڕاگرتنی گەشت، فڕۆکەخانە نێوخۆیی و نێودەوڵەتییەکانی تارانیش دەگرێتەوە.
بە پێی ڕاگەیاندراوەکە تەنیا ئاسمانی چوار پارێزگای خۆراسانی باکوور، خۆراسانی ڕەزەوی، خۆراسانی باشوور و سیستان و بەلووچستان کە لە ڕۆژهەڵاتی ئێران هەڵکەوتوون، بە ڕووی فرۆکە ناوخۆیی و نێودەوڵەتییەکاندا کراوەتەوە.
فرۆکەخانەی مەشهەد لە رۆژهەڵاتی ئێران کە لە ماوەی 12 ڕۆژ جەنگی نێوان ئێران و ئیسرائیل چەند جار لە لایەن فڕۆکە جەنگییەکانی ئیسرائیلەوە هێرشی کرایە سەر، یەکێک لەو فڕۆکەخانانەیە کە چالاکییەکانی دەست پێ کردووەتەوە.
کۆمێنت (0)
تا ئێستا هیچ کۆمێنتێک نەکراوە.