ئێوارەی ئەمڕۆ پێنجشەممە لە شارۆچكەی بەردەڕەش بەهۆی دروستبوونی شەڕی نێوان دوو بنەماڵەدا كەسێك بە فیشەك بریندار بوو.
پەیامنێری (كوردستان تیڤی) لە بەردەڕەش پێی راگەیاندین: ئەمڕۆ ئێوارە بەهۆی دروستبوونی شەڕ لەنێوان دوو بنەماڵە، كەسێك بە فیشەك بریندار بووە.
هەردوو بنەماڵەكە پێشتر كێشە و گرفت لەنێوانیان هەبووە، ئەمڕۆ رووبەڕووی یەكتر بوونەتەوە و شەڕ لەنێوانیان دروست بووە.
لەگەڵ دروستبوونی شەڕەكە، پۆلیس گەیشتۆتە شوێنی رووداوەكە و هەوڵی كۆنتڕۆڵكردنی بارودۆخەكەی داوە.
بریندارەكە گەیەنراوەتە نەخۆشخانەی فریاكەوتنی بەردەڕەش و تەندروستی جێگیرە.
بەردەڕەش / سەنگەر گۆران
کۆمێنت (0)
تا ئێستا هیچ کۆمێنتێک نەکراوە.