كۆمیسیۆنی باڵای سەربەخۆی هەڵبژاردنەكانی عێراق وادەی دابەشكردنی پاداشتی كارمەندانی سەر سندووقی هەڵبژاردنی پەرلەمانی كوردستانی دیاری كرد.
كۆمیسیۆنی باڵای سەربەخۆی هەڵبژاردنەكانی عێراق ئۆفیسی هەولێر ئەمڕۆ پێنجشەممە رایگەیاند: لە رۆژی یەكشەممەی داهاتوو رێكەوتی 16/2/2025 پاداشتی ئەو كارمەندانە دابەش دەكرێت كە لە رۆژی هەڵبژاردنی پەرلەمانی كوردستان بەشداربوون.
راشیگەیاند: كارمەندەكان دەتوانن لە 23 بانك پاداشتەكانیان وەربگرن.
رۆژی 20ی 10ی 2024 هەڵبژاردنی گشتی بۆ خولی شەشەمی پەرلەمانی كوردستان بەڕێوەچوو، رێژەی بەشداریكردنی هاووڵاتییان لەو هەڵبژاردنە 72% بوو، لە هەڵبژاردنەكەدا لیستی پارتی دیموكراتی كوردستان براوەی یەكەمی هەڵبژاردن بوو و زۆرترین كورسی پەرلەمانی بەدەستهێنا كە 39 كورسی بوو.
کۆمێنت (0)
تا ئێستا هیچ کۆمێنتێک نەکراوە.