بەرهەمهێنان و فرۆشتنی ئۆتۆمبێلی كارەبایی لە جیهاندا تا دێت روو لە زیادبوون دەكات، بەشێوەیەك كە تەنیا لە ساڵی 2024 بە ملیۆنان ئۆتۆمبێلی كارەبایی لە جیهاندا فرۆشراوە.
بەگوێرەی تۆژینەوەیەك كە كۆمپانیای راوێژكاری كارگێڕی (بڕایس وۆتەرهاوس كوپەرز) ئەنجامیداوە دەركەوتووە لە ساڵی 2024 زیاتر لە 10 ملیۆن ئۆتۆمبێلی كارەبایی لە جیهاندا فرۆشراوە، واتە رێژەكە 14% زیاتر بووە بەراورد بە ساڵی 2023.
بەگوێرەی تۆژینەوەكە زۆرترین فرۆشی ئۆتۆمبێلی كارەبایی لە وڵاتی چین بووە كە نزیكەی دوو لەسەر سێی كۆی فرۆشتنی جیهان بووە بە فرۆشتنی 6.7 ملیۆن ئۆتۆمبێلی كارەبایی.
دووەم زۆرترین فرۆشی ئۆتۆمبێلی كارەبایی لە جیهاندا لە وڵاتی ئەمەریكا بووە كە پارساڵ لەم وڵاتەدا 1.2 ملیۆن ئۆتۆمبێلی كارەبایی فرۆشراوە، دوای ئەویش بەریتانیا دێت بە 382 هەزار ئۆتۆمبێل، لە ریزبەندی چوارەمیش ئەڵمانیا دێت بە 381 هەزار ئۆتۆمبێلی كارەبایی.
دوای ئەوانیش هەریەك لە وڵاتانی فڕەنسا، نەمسا، ئیتاڵیا، سویسڕا و سوێد دێن لە رووی فرۆشتنی ئۆتۆمبێلی كارەبایی لە وڵاتەكانیاندا.
ئەو كۆمپانیایەی تۆژینەوەكەی ئەنجامداوە، پێشیبنی كردووە بۆ ساڵی 2025 رێژەی فرۆشتنی ئۆتۆمبێلی كارەبایی لە جیهاندا زۆر زیاتر بەرز ببێتەوە.
کۆمێنت (0)
تا ئێستا هیچ کۆمێنتێک نەکراوە.