بەڕێوەبەرایەتیی گشتیی کار و دەستەبەری کۆمەڵایەتی ئاگادارییەکی بۆ سەرجەم ئەو کرێکارانە بڵاوکردەوە کە داواکاریی وەرگرتنەوەی پاداشتی کۆتایی خزمەتیان پێشکەش کردووە.
بەڕێوەبەرایەتییەکە ڕایگەیاندووە، ئەو کرێکارانەی پێش بەئەلیکترۆنیکردنی ڕێکارەکان، داواکارییان لە بەڕێوەبەرایەتیی دەستەبەری کۆمەڵایەتی بۆ کرێکاران / هەولێر پێشکەش کردووە، پێویستە سەردانی بەڕێوەبەرایەتییەکە بکەن بۆ وەرگرتنەوەی شایستە داراییەکانیان.
بەڕێوەبەرایەتیی گشتیی کار و دەستەبەری کۆمەڵایەتی ڕاشیگەیاند: ئەو کرێکارانەی تا ڕێککەوتی 30-08-2026 داواکارییان پێشکەش کردووە، دەتوانن سەردانی بەڕێوەبەرایەتییەکە بکەن.
هەروەها ئەو کرێکارانەی بەشێوەی ئەلیکترۆنی داواکارییان پێشکەش کردووە و پەنجەمۆری ئەلیکترۆنییان لێ وەرگیراوە، لە ڕۆژانی داهاتوودا دەست بە دابەشکردنی شایستە داراییەکانیان دەکرێت و پێویست ناکات سەردانی بەڕێوەبەرایەتییەکە بکەن.
بەڕێوەبەرایەتیی گشتیی کار و دەستەبەری کۆمەڵایەتی داوا لەو کرێکارانە دەکات کە لە پۆلێنکردنی یەکەمدا ناویان هاتووە، بە زووترین کات سەردانی بەڕێوەبەرایەتییەکە بکەن بۆ تەواوکردنی ڕێکارەکانی وەرگرتنی پاداشتەکانیان.
کۆمێنت (0)
تا ئێستا هیچ کۆمێنتێک نەکراوە.