نارین بڕیار بە فەرمی هەڵمەتی هەڵبژاردنی بۆ کورسی ئەنجومەنی شارەکەی شاری بوفالۆ-بێلڤیو لە واشنتۆن دەستپێکردووە، کە لە مانگی نۆڤەمبەری ئەمساڵ هەڵبژاردنەکان دەستپێدەکات .
کچە کاندیدی کورد نارین بڕیار تێکەڵەیەکی ناوازە لە پابەندبوونی پێزانینی مرۆیی نێودەوڵەتی و پاشخانی هونەری دەهێنێتە بانگەشەی هەڵبژاردنەکەی بۆ ئەنجومەنی شارەوانی بێلڤیو. بەشداری قووڵی لە کۆمەڵگاکەیدا ڕەنگدانەوەی خولیایە بۆ ئەوەی شاری بێلڤیو ببێتە شوێنێکی باشتر بۆ ژیان و کارکردن و پەروەردەکردنی خێزان.
لە گفتوگۆیەکدا لەگەڵ ماڵپەڕی کەناڵی کوردستان تیڤی ، ووتی ئەزموونی پیشەیی دەهێنێت بۆ تێگەیشتن و ڕێنماییکردنی گەشەسەندنی بێلڤیو وەک ناوەندێکی تەکنەلۆژیا لە هەمان کاتدا دڵنیابوون لە پاراستنی بەهاکانی کۆمەڵگا.
لە ساڵی 2018 لەلایەن کەسایەتیەکانی سیاسی (لەوانەش سیناتۆر ئەلیزابێس وارن و سیناتۆری کۆمارییەکان ڕیچارد بلاک) ناسێندرا، بەهۆی توانای دروستکردنی پرد و دۆزینەوەی کۆدەنگی پراکتیکی لەسەر ئاستەنگە ئاڵۆزەکان، وەک کۆنتڕۆڵکردنی داعش لە ڕۆژهەڵاتی ناوەڕاست. شارەزاییەکەی بە بانگهێشتکردن بۆ قسەکردن لە ڕێکخراوە بەناوبانگەکاندا ناسێنراوە، لەنێویاندا چەندین کەناڵی جۆراو جۆری میدیایی و زانیارییەکی بەرفراوانی لەمبارەیەوە بەدەستهێناوە و خۆشحاڵبووە بووە کە لەلایەن هاوتەمەنەکانیەوە وەک وتاردەرێکی پۆل هەڵبژێردرا.
هەروەها ئاماژەی بەوە کرد پابەندبوون بە فێربوونی تەواوی ژیانی و بەشداریکردنی کۆمەڵگا لە کارە خۆبەخشییە ناوخۆییە بەرفراوانەکانیدا. لەم سوونگەدا نارین سەرنجی لەسەر دروستکردنی پەیوەندی لە نێوان نەوەکاندایە.
مانگانە میوانداری کۆبوونەوەکانی ئێوارەخوان دەکات، کە کەسانی بەساڵاچوو لە ناوەندەکانی خانەنشینی کۆدەکاتەوە بۆ هاوبەشیان و دەرفەت بۆ گفتوگۆی کراوە لەسەر بابەتە جیاوازەکاندا ، وەک کارێکی گرینگ ئەنجامی دەدات لەگەڵ کەسانی بەساڵاچوو کاردەکات بۆ بەڵگەنامەکردنی چیرۆکی دانیشتوانی بێلڤیو، کە مێژووەکەی دەگەڕێتەوە بۆ ساڵی 1929 ز ، پێش ئەوەی بێلڤیو وەک شارێک جێگیر بکرێت.
نارێن بریار لە ویلایەتە یەکگرتووەکانی ئەمریکا لەدایک باوکێکی کوردی شاری هەڵەبجە وسلێمانی له دایک بووە و کوردیەکی پاڵاو قسە دەکات ، چالاکوانە لە زۆر بواردا، بەتایبەتی لە بواری مافی مرۆڤ و کاری خێرخوازیدا ، یەکێکه له کاندیدە بەهێزەکان بۆ وەرگرتنی کورسی ئەنجوومەنی پارێزگاکانی شارەکەی .
يونس حەمەد
کۆمێنت (0)
تا ئێستا هیچ کۆمێنتێک نەکراوە.