بەڕێوەبەرایەتیی پۆلیسی پارێزگای هەولێر دوو تۆمەتباری بەناوەکانی (ز. ح. و) و (ع. س. م) دەستگیر کرد کە شەوی ڕابردوو ڕێکەوتی (20-11-2024) بە شێوەیەکی هەڕەمەکی لەناو شاری هەولێر لەسەر شەقامی 60 مەتری تەقەیان کردبوو.
پۆلیسی هەولێر رایگەیاند: دوای لێکۆڵینەوە و بەدواداچوونی تیمەکانمان، بۆمان دەرکەوت ئەو دوو تۆمەتبارە لەناو ئۆتۆمبلێکی جۆری (تاکسی) بە شێوەیەکی هەڕەمەکی و نابەرپرسیارانە لەسەر شەقامی 60 مەتری تەقەیان کردووە و فیشەکێک بەر پەنجەرەی یەکێک لە تاوەرەکانی نیشتەجێبوون کەوتووە، بۆیە پاش وەرگرتنی ڕەزامەندیی دادوەری لێکۆڵینەوە، تۆمەتبارانی ناوبراو دەستگیر کران و پەڕاوی لێکۆڵینەوەیان بۆ کرایەوە و درانە دادگا.
پۆلیسی هەولێر جەختیشی كردەوە هەر کەسێک لە شاری هەولێر بیەوێت ئارامیی شار تێک بدات و ئاژاوە بنێتەوە، دەدرێتە دادگا.
کۆمێنت (0)
تا ئێستا هیچ کۆمێنتێک نەکراوە.