ب مه‌ره‌ما گه‌هاندنا سوپاسى وده‌ستخوشیا ئه‌ڤرۆ به‌رى نیڤرۆ رۆژا دووشه‌مبى 18 /چریا دووێ /2024 ێ "سه‌ربه‌ست له‌زگین" به‌رپرسێ مه‌كته‌با رێكخستنا پارتى ل پارێزگه‌ها دهۆكێ و"د.نه‌وزاد عبدالله " به‌رپرسێ لقێ ئێك یێ پارتى دیموكراتى كوردستان وشاندێ دگه‌لدا سه‌را پارێزگه‌ها دهۆكێ دا ژلایێ به‌رێز" د.عه‌لى ته‌ته‌ر" پارێزگارێ دهۆكێ وجێگرێ پارێزگارى وده‌ڤه‌ردارێن پارێزگه‌هێ پێشوازى لێ هاته كرن.
دهه‌ڤدیتنه‌كێدا به‌رپرسێ مه‌كته‌با رێكخستنا پارتى سوپاسى وده‌ستخوشى ل به‌رێز پارێزگارێ دهۆكێ وتیمێ حكومى ل سنورێ پارێزگه‌هێ كر بۆ په‌یداكرنا زه‌مینه وسه‌قایه‌كێ گونجاى وئارام كۆ هاولاتیێن پارێزگه‌هێ شیابوون ب رێكوپێكى وب رێژه‌كا زۆر پشكداریێ د هه‌لبژاردنێن په‌رله‌مانێ كوردستانێ دا بكه‌ن كۆ پارێزگه‌ها دهۆكێ ببیته ئێكه‌م ل سه‌ر ئاستێ هه‌رێمێ .
ژلایێ خۆڤه پارێزگارێ دهۆكێ خوشحالیا خۆ ب سه‌ره‌دانێ دیاركر وسوپاسیا هه‌موو لایه‌نان وهاولاتییان ل سنورێ پارێزگه‌ها دهۆكێ كر كۆ ب ره‌نگه‌كێ به‌رفره‌ه وشارستانى پشكدارى دهه‌لبژادنێن په‌رله‌مانێ كوردستانێ دا كرى وسه‌ركه‌فتنه‌كا گرنگ ودیروكى توماركرى وبه‌رهه‌ڤیا پارێزگه‌هێ نیشان دا بۆ پشته‌ڤانیكرنا ڤان پرسێن نیشتمانى ونه‌ته‌وه‌یى .
به‌رپرسێ مه‌كته‌با رێكخستنا پارتى ل پارێزگه‌هێ سوپاسیا پارێزگارێ دهۆكێ وسازیێن میرى دكه‌ت
100%
کۆمێنت (0)
تا ئێستا هیچ کۆمێنتێک نەکراوە.