گۆشتی مریشك یەكێكە لەو خۆراكە تەندروستانەی كە رێژەیەكی زۆر لە پڕۆتین و ڤیتامین و كانزاكانی تێدایە، بەڵام ئایا زانیوتە هەندێك پارچە و شوێن لە گۆشتی مریشكدا هەیە زیانبەخشن و هەرگیز نابێت بخورێن.
بەشێوەیەكی گشتی ئەو شوێن و پارچانەی گۆشتی مریشك كە نابێت بخورێن بریتین لەمانەی خوارەوە:-
كلكی مریشك
مەترسیدارترین شوێنی مریشك كلكەكەیەتی كە دەكەوێتە سەرووی كۆمییەوە، ئەم شوێنە پڕە لە چەوری زیانبەخش كە دەبێتە هۆی مەترسی تووشبوون بە نەخۆشییەكانی دڵ و دەمارەكان، ئەمە جگە لەوەی زیانێكی زۆریش بە كۆئەندامی هەرسی مرۆڤ دەگەیەنێت بەهۆی زەحمەتی هەرسبوونی.
پێستی مریشك
پێستی مریشك رێژەیەكی بەرزی چەوری تێدایە كە دەبێتە هۆكاری زیادبوونی كێش و بەرزبوونەوەی ئاستی كۆلیسترۆلی زیانبەخش لە خوێندا.
باڵی مریشك
ئەو مریشكانەی لەنێو كێڵگە پەلەوەرییەكان بەرهەم دەهێنرین، خواردنی باڵەكانیان باش نین، چونكە بەشێك لەو مریشكانە لە رێگەی باڵەكانیانەوە دەرزی نەخۆشی و پەتاكانیان لێ دەدرێت.
سییەكانی مریشك
سییەكانی مریشك شوێنی كۆبوونەوەی بەكتریا و ماددە زیانبەخشەكانە كە هەندێكیان تەنانەت بە كوڵان و بەرزی پلەی گەرمیش لەناوناچن.
سەری مریشك
نەك تەنیا سەری مریشك نەخۆن، بەڵكو لەنێو مەنجەڵیش نەی كوڵێنن، چونكە چەندان ماددەی زیانبەخشی تێدایە كە مەترسین بۆ سەر گیانی مرۆڤ.
کۆمێنت (0)
تا ئێستا هیچ کۆمێنتێک نەکراوە.