باڵیۆزی ئه‌مه‌ریكا له‌باره‌ی ئه‌و بانكه عێراقییه‌ی كه ئه‌مڕۆ خرایه نێو لیستی سزاكانی ئه‌مه‌ریكاوه، رایگه‌یاند كه بانكه‌كه كاری سپیكردنه‌وه‌ی پاره‌ی كردووه و دۆلاری ئه‌مه‌ریكی گواستووه‌ته بۆ تیرۆریستان و سوپای پاسدارانی ئێران.
وه‌زاره‌تی گه‌نجینه‌ی ئه‌مه‌ریكا ئه‌مڕۆ دووشه‌م سزای به‌سه‌ر بانكی هودا و خاوه‌نه‌كه‌ی به‌ناوی حه‌مه‌د ئه‌لمووسه‌وی سه‌پاند به‌هۆی ئه‌نجامدانی ساخته‌كاری و سپیكردنه‌وه‌ی پاره‌ی بۆ ئێران و گرووپه چه‌كداره‌كان به مه‌به‌ستی پشتیوانیكردن له تیرۆر.
له‌مباره‌یه‌وه ئه‌لینا رۆمانۆوسكی باڵیۆزی ئه‌مه‌ریكا له عێراق له تۆڕی كۆمه‌ڵایه‌تی ئێكس رایگه‌یاند: وه‌زاره‌تی گه‌نجینه‌ی ئه‌مه‌ریكا بانكی هودای وه‌ك دامه‌زراوه‌یه‌كی گه‌وره‌ی سپیكردنه‌وه‌ی پاره له عێراق ده‌ستنیشانكردووه.
راشیگه‌یاند: بانكه‌كه به سوودوه‌رگرتن له ده‌ستگه‌یشتن به دۆلاری ئه‌مه‌ریكی، پشتیوانی له هه‌ندێ رێكخراوی تیرۆریستی بیانی كردووه، له‌وانه فه‌یله‌قی قودسی سوپای پاسدارانی ئێران.
راشیگه‌یاند: نه‌ك هه‌ر بانكه‌كه، هه‌روه‌ها سزای دارایی به‌سه‌ر به‌ڕێوه‌به‌ری جێبه‌جێكاری بانكه‌كه‌ش سه‌پێنراوه.
باڵیۆزی ئه‌مه‌ریكا له عێراق جه‌ختیشی كرده‌وه كه سزادانی بانكه‌كه و رێوشوێنه‌كان، كاریگه‌ری ئه‌رێنی له‌سه‌ر سیسته‌می دارایی عێراق و پڕۆژه بازرگانییه راسته‌قینه‌كان بۆ به‌رزكردنه‌وه‌ی ئاینده‌ی ئابووری عێراق به‌جێده‌هێڵێ.
قامت وزارة الخزانة الأمريكية اليوم بتصنيف مصرف الهدى كمؤسسة رئيسية لغسل الأموال بسبب استغلاله لوصوله إلى الدولار الأمريكي لدعم منظمات إرهابية أجنبية معينة مثل فيلق القدس التابع للحرس الثوري الإيراني، وفرضت ايضاً عقوبات اقتصادية على رئيسه التنفيذي. ستساعد هذه الإجراءات في حماية…
— Ambassador Alina L. Romanowski (@USAmbIraq) January 29, 2024
کۆمێنت (0)
تا ئێستا هیچ کۆمێنتێک نەکراوە.