له‌م چه‌ند رۆژه‌ی رابردوو هاووڵاتییانی شاری بێرمینگهامی به‌ریتانیا تووشی ترس و دڵه‌ڕاوكێیه‌كی زۆر بوونه‌ته‌وه به‌هۆی سووربوونی ڕه‌نگی ئاوی رووبارێكی ناوچه‌كه‌یان كه به‌شێك له ریش سپی ناوچه‌كه ده‌ڵێن ئه‌مه نیشانه‌یه‌كه له نیشانه‌كانی نزیكبوونه‌وه‌ی رۆژی دوایی و كۆتایی مرۆڤایه‌تی.
له‌مباره‌یه‌وه رۆژنامه‌ی (ده‌یلی مه‌یل)ی به‌ریتانی بڵاوی كردۆته‌وه: بۆ لێكۆڵینه‌وه له هۆكاری سووربوونی ره‌نگی ئاوی رووباره‌كه، ئه‌نجوومه‌نی پارێزگه‌ی بێرمینگام بڕیاریانداوه لێكۆڵینه‌وه بكه‌ن.
بڵاویشی كرده‌وه: ریش سپی و پیاوماقوڵانی ناوچه‌كه ده‌ڵێن له باب و باپیرانه‌وه گوێبیست بوونه كه سووربوونی ره‌نگی ئاوی رووباره‌كه نیشانه‌یه بۆ نزیكبوونه‌وه له رۆژی دوایی و كۆتایی مرۆڤایه‌تی.
له تۆڕه‌كانی كۆمه‌ڵایه‌تیش سووربوونی ئاوی رووباره‌كه ده‌نگۆیه‌كی گه‌وره‌ی به‌دوای خۆیدا هێناوه و بووه‌ته جێگه‌ی ترس و دڵه‌ڕاوكێی هاووڵاتییانی بێرمینگهام و به‌ریتانیا به‌شێوه‌یه‌كی گشتی.
هه‌رچه‌نده ئه‌نجوومه‌نی پارێزگه‌ی بێرمینگهام لیژنه‌یه‌كی لێكۆڵینه‌وه‌ی له‌سه‌ر گۆڕانی ره‌نگی ئاوی رووباره‌كه پێكهێناوه، به‌ڵام تا ئێستا هۆكاری سووربوونی ره‌نگی ئاوه‌كه به‌ته‌واوی روون نه‌بووه‌ته‌وه.
I have been made aware of the strange happening in Perry Common Meadows and I am having it investigated pic.twitter.com/W7ghQEy7MV
— Councillor Jilly Bermingham (@Jilly4PerryComn) January 24, 2024
کۆمێنت (0)
تا ئێستا هیچ کۆمێنتێک نەکراوە.