وه‌زاره‌تی ته‌ندروستی له كه‌رتی غه‌ززه ئه‌مڕۆ دووشه‌م له خستنه‌ڕووی دوایین ئاماره‌كاندا ڕایگه‌یاند كه ژماره‌ی كوژراوان 18 هه‌زار كه‌سی تێپه‌ڕاندووه.
وه‌زاره‌تی ته‌ندروستی له غه‌ززه ڕایگه‌یاند: ئه‌مڕۆ دووشه‌م له ماوه‌ی 24 كاتژمێردا 208 كه‌س كوژران له‌گه‌ڵ برینداربوونی 416 كه‌سی تر به‌هۆی بۆردومانه به‌رده‌وامه‌كانی سوپای ئیسڕائیله‌وه.
ڕاشیگه‌یاند: به‌مه‌ش كۆی گشتی ژماره‌ی كوژراوان بۆ 18 هه‌زار و 250 كه‌س به‌رز بووه‌وه.
هه‌روه‌ها ڕاشیگه‌یاند: ژماره‌ی بریندارانیش گه‌یشته 49 هه‌زار و 645 هه‌زار بریندار.
وه‌زاره‌تی ته‌ندروستی له كه‌رتی غه‌ززه جه‌ختیشی كرده‌وه كه ژماره‌یه‌كی زۆر هاووڵاتی تا ئێستا له‌ژێر داروبه‌ردووی باڵه‌خانه و خانووه‌كاندا ماون و چاره‌نووسیان نادیاره.
کۆمێنت (0)
تا ئێستا هیچ کۆمێنتێک نەکراوە.