ژمارەی قوربانیانی بوومەلەرزەكەی مەغریب بەرزبووەوە

وەزارەتی ناوخۆی مەغریب ڕایگەیاند، ژمارەی ئەو كەسانەی بەهۆی بوومەلەرزەكەوە گیانیان لەدەستداوە بۆ دوو هەزار و 868 كەس بەرز بۆتەوە، هاوكات ژمارەی بریندارەكانیش گەیشتووەتە دوو هەزار و 562كەس.
وەزارەتەكە، لە بەیاننامەیەكدا ئاماژەی بەوەكردووە، ژمارەی گیان لەدەستدان لە پارێزگای حەوز گەیشتووەتە هەزار و 604 كەس ، لە پارێزگای تارودانت 976 كەس ، و یەك حاڵەتیش لە پارێزگای سۆیرە تۆماركراوە.
ئاماژەی بەوەشكرد، دەسەڵاتە گشتییەكان بەردەوامن لە هەوڵەكانیان بۆ ڕزگاركردن و گواستنەوەی بریندارەكان و كردنەوەی ئەو رێگایانەی كە بەهۆی بوومەلەرزەكەوە زیانیان بەركەوتووە.