ڤیدیۆ.. پێنج ڕۆژە ئاگری دارستانەكانی یۆنان بەردەوامی هەیە

سەرەڕای تێپەڕبوونی پێنج ڕۆژی بەسەر كەوتنەوەی ئاگری دارستانەكانی یۆنان، هێشتا نەتوانراوە كۆنترۆڵ بكرێت.
ئەو ئاگرەی هەموو لایەكی یۆنانی گرتووەتەوە، هەر لە مەریچەوە تا ئەسینا لە زیاتر لە 60 شوێن بەردەوامە.
وەك گرتنەبەری ڕێوشوێنی پێویست، دەیان شوێنی نیشتەجێبوون چۆڵكراون و دانیشتوانەكەی گواستراونەتەوە و، دەیان خانوو باڵەخانەی وەك قوتابخانە و كڵێسا و بینای گشتیی و خانوو سووتاون و، ژمارەیەكی زۆر ڕێگای هاتوچۆ بەڕووی هاتوچۆدا داخراون.
بەهۆی ئەو ئاگرانەوە، تا ئێستا 20 كەس لە یۆنان گیانیان لەدەستداوە.
تەنها لە ماوەی سێ ڕۆژدا 400 هەزار دۆنم زەوی لە یۆنان بووەتە خۆڵەمێش، كە لەنێویاندا دارستان و كێڵگەی كشتوكاڵی هەیە و ژمارەیەكی زۆریش ئاژەڵ لەناوچوون.