مسته‌فا كازمی ، سه‌رۆك وه‌زیرانی عێراق به‌شداری له پڕۆسه‌ی ده‌نگدان كردو له‌یه‌كێك له بنكه‌كانی ده‌نگدان له‌به‌غدا-ی پایته‌خت ده‌نگی دا.
دواتر له‌كۆنگره‌یه‌كی رۆژنامه‌وانیدا مسته‌فا كازمی، سه‌رۆك وه‌زیرانی عێراق گوتی: هێشتا كات ماوه، وه‌رن ده‌نگ بده‌ن و ئه‌و واقیعه له پێناو عێراق و داهاتووی خۆتان بگۆڕن.
هه‌روه‌ها سه‌رۆك وه‌زیرانی عێراق گوتیشی: ئه‌و كه‌سانه هه‌ڵبژێرن كه گونجاون.
كاتژمێر حه‌وتی به‌یانی ئه‌مڕۆ 10-10-2021 پڕۆسه‌ی ده‌نگدانی گشتی ده‌ستیپێكرد و به‌گوێره‌ی بڕیاری كۆمسیۆن پرۆسه‌كه تاوه‌كوو كاتژمێر 6:00ـی ئێواره به‌رده‌وام بێت.
به‌پێی داتاكانی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق، ئه‌مڕۆ 23 ملیۆن و 986 هه‌زار و 741 هاووڵاتی له سه‌رتاسه‌ری عێراق مافی ده‌نگدانیان هه‌یه و 3243 كاندید ڕكابه‌ری له‌سه‌ر 329 كورسی ده‌كه‌ن له 83 بازنه‌ی جیاوازدا.
کۆمێنت (0)
تا ئێستا هیچ کۆمێنتێک نەکراوە.