كونسوڵی رۆمانیا لهههرێمی كوردستان پشتیوانی وڵاتهكهی بۆ هێزی پێشمهرگهی كوردستان دووپاتكردهوه.
له راگهیاندراوێكدا، سهرۆكایهتی ههرێمی كوردستان بڵاویكردهوه:
ئەمڕۆ دووشەممە 20-9-2021 شێخ جەعفەر شێخ مستەفا جێگری سەرۆکی هەرێمی كوردستان پێشوازی لە هۆریا پێتریسکۆ کونسولی ڕۆمانیا لە هەولێر کرد.
راشیدهگهیهنن: لە دیدارێكدا دوایین پێشهاتەکانی عیراق و ناوچەکە، هەڵبژاردنی پێشوەختەی ئەنجومەنی نوێنەرانی عێراق، ئاسایش و سەقامگیری و جموجووڵەکانی داعش لە ناوچە جیاکان، باس كران.
سهرۆكایهتی ههرێم ئاماژه بۆ ئهوهشدهكات: كه جێگری سەرۆک، هیواى خواست هەڵبژاردنی ئەمجارە وەڵامدەرەوەی خواستهكانى خهڵك و ناڕەزایەتییەکانی هاووڵاتیانى عیراق بێت و لە کەشێکی ئارام و سەقامگیردا بەڕێوە بچێت، سهقامگیریى ئهمنى و سیاسیى زیاتر لهگهڵ خۆیدا بهێنێت و حكوومهتى داهاتوو بتوانێت خزمهتگوزاریى باشتر پێشكهش بكات.
لە بەشێكی دیكەی دیدارەكەدا برهودان به پەیوەندی و هەماهەنگیی زیاتری نێوان ڕۆمانیا و هەرێمی کوردستان، ئاسایش و سەقامگیری له ناوچەکە، بنەبڕكردنی كردەوە تیرۆریستییەكان و بەردەوامیی ڕووبەڕووبوونەوی داعش، هەماهەنگیی نێوان پێشمەرگە و سوپای عیراق و پشتگیریى هاوپهیمانیى نێودهوڵهتى بۆ عیراق و ههرێمى كوردستان خرانە بەر باس و گفتوگۆ.
کۆمێنت (0)
تا ئێستا هیچ کۆمێنتێک نەکراوە.