هەلیکاری زیاتر لە بواری کشتوکاڵدا ڕادەگەیەندرێت

سەرۆکی یەکێتی خاوەنکارانی کوردستان ڕایگەیاند، لە هەوڵی ڕەخساندنی هەلی کاری زیاترین بەتایبەت لە بواری کشتوکاڵدا.

شوان حەمید سەرۆکی یەکێتی خاوەنکارانی کوردستان ڕاشیگەیاند، ماوەیەکە لە هەوڵێ ڕەخساندنی هەلیکاری زیاترین و هەروەها بە دوای سەرچاوەی داهاتی دیکە دەگەڕێین بۆ بەهێزکردنی ئابووری کوردستان، بۆ ئەوەی تەنها پشت بە داهاتی نەوت نەبەستین.

شوان حەمید ڕوونیکردەوە، بواری کشتوکاڵ سەرچاوەیەکی لە بن نەهاتوو و درێژ خایەنە، بۆ ئەم مەبەستە گفتووگۆم لەگەڵ کۆمەڵێک خاوەنکاری باکووری کوردستان کردووە و پێشنیاری باشیان هەبووە، بڕیارمانداوە سەردانی شار و شارۆچکەکانی کوردستان بکەین بۆ دەستنیشانکردنی زەوییە نایابەکان بۆ بواری کشتوکاڵ.

سەرۆکی یەکێتی خاوەنکارانی کوردستان ئاماژەی بەوەشکرد، هەر کەسێک بیەوێت دەتوانێت بەشدار بێت لەگەڵمان، بەتایبەت خاوەن زەوییەکان.