ته‌ندروستی گه‌رمیان هۆشداری ده‌دات

تەندروستیی گەرمیان هۆشداری لە (پەرەسەندنێکی مەترسیدار) دەدات بەهۆی ئەوەی‌ لە دوو رۆژی رابردوودا لە سنورەکە شەش هاوڵاتی بە کۆرۆنا گیانیان له‌ ده‌ستداوه‌ .   

بەڕێوه‌بەرایەتی گشتی تەندروستی گەرمیان لە داواکارییەکدا  رایده‌گه‌ێنێت: لەماوەی کەمتر لە دوو رۆژدا لە سنووری ئیدارەی گەرمیان شەش ھاووڵاتیی بە نەخۆشی کۆرۆنا گیانیان لەدەستداوە و 180 ھاووڵاتییش تووشی کۆرۆنا بوون، ھەروەک سەروی 60 نەخۆشیش لە بەشی تایبەت بە نەخۆشانی کۆرۆنا خەوێنراون کە (ئەمەش پەرەسەندنێکی مەترسیدارە) بۆ ناوچەکەمان.  

 ته‌ندروستی گه‌رمیان داوا لە هاووڵاتییان دەکات:

1- خۆپارێزیی تەواوەتی بکەن، رێکارەکانی خۆپارێزیی لەبیر مەکەن و بەباشیی جێبەجێی بکەن.  

2- ڤاکسینی کۆرۆنا وەربگرن و کەمتەرخەمیی نەکەن لە وەرگرتنی ڤاکسینەکە و خۆیان تۆمار بکەن لە ئەپڵیکەیشنی (کوردڤاک).  

3- بە زۆری ئەوکەسانەی کە داخل بە بەشی نەخۆشخانەی قەڵا دەکرێن و حاڵیان خراپە، ئەوانەن کە درەنگ ھێنراون بۆ نەخۆشخانە، بۆیە تکایە نەخۆش پێش ئەوەی بگاتە ئەوپەڕی خراپی داخلی نەخۆشخانەی بکەن.  

4- دەرمان و چارەسەری پزیشکیی لە خۆوە بەکارنەھێنرێت، بەبێ پشکنینی ورد و لەژێر رێنمایی پزیشکی پسپۆڕ، تکایە کەس لە خۆیەوە دەرمان و چارەسەری پزیشکیی وەرنەگرێت.  

5- ئەو کەسانەی گومانی نەخۆشیەکەیان ھەیە، با سەردانی تاقیگەی کۆرۆنا بکەن و بێ بەرامبەر پشکنینیان بۆ ئەنجام دەدرێت، بەوشێوەیەش بەر بە تەشەنەسەندنی حاڵەتەکانی نەخۆشیەکە دەگیرێت.