دوای کۆنترۆڵکردنی کابول لە لایەن تاڵیبانەوە، نیگەرانی بە خەڵکی شارەکەوە دیارە. پشتر گوتەبێژی تاڵیبان، زەبیحوڵڵا موجاھید، رایگەیاندبوو، بەھۆی چۆڵکردنی کابوڵی پایتەخت لەلایەن ھێزەکانی حکوومەتەوە، دەستیان بە کۆنترۆڵکردنی شارەکە و باڵەخانە حکوومییەکان کردووە.
موجاھید، لە ھەژماری تایبەتی خۆی لە تویتەرەوە ئەوەى رایگەیاند كە ویستوویانە بەشێوەیەکی ئاشتییانە پایتەختیان رادەست بکرێتەوە و لەبەر ئەم ھۆکارە ھێزیان بەکار نەھێناوە، بەڵام ھێزەکانی حکوومەت ناوچەکەیان جێھێشتووە و باڵەخانەکانیان چۆڵکردووە.
موجاھید، ئاماژەی بەوەش کرد کە بە مەبەستی رێگە گرتن لە تاڵان و دزیکردن دەستیان بە کۆنترۆڵکردنی ناوەندی شارەکە و باڵەخانەکانی دەوڵەت کردووە و گوتی: "ئاسایش لە شارەکە بەرپا دەکەین". زەبیحوڵڵا موجاھید، جەختی لەوەش کردەوە تاڵیبان، رێگە بە چوونە ناو ماڵی خەڵکی مەدەنی نادات.
کۆمێنت (0)
تا ئێستا هیچ کۆمێنتێک نەکراوە.