کاره‌بای سلێمانی: هه‌ر که‌سێک ده‌ستکاری پێوه‌ری زیره‌ک بکات رووبه‌رووی یاسایی ده‌که‌ینه‌وه‌

ئاگادارییه‌ك له‌ لیژنه‌ى سەرپەرشتیاری پڕۆژەی تۆڕى زیره‌ك لە بەڕێوەبەرایەتی گشتی کارەبای سلێمانییه‌وه‌

1- ئاگاداری‌ ئه‌و هاووڵاتیانه‌ ده‌كه‌ین كه‌ پێوه‌رى زیره‌كى كاره‌بایان بۆ به‌ستراوه‌، كاتێك به‌هۆى زیاد به‌كارهێنانى كاره‌با، پێوه‌ره‌كه‌یان ده‌كوژێته‌وه‌ بۆ هه‌ڵكردونه‌وه‌ى په‌یوه‌ندی بكه‌ن بە سه‌نته‌رى هێڵى گه‌رم (call center) به‌ ژماره‌كانى (07734347471 ) و (07734347470) كه‌ ( 24) كاتژمێر ئاماده‌ن بۆ وه‌رگرتنى په‌یوه‌ندییه‌كان و هه‌ڵكردنه‌وه‌ى پێوه‌ره‌كانتان به‌ ئۆن لاین.

2- لە ئەگەری ھەڵنەبوونەوەی پێوەرەکان لە ڕێی ھێڵی گەرمەوە تکایە پەیوەندی تەنھا بە  فەرمانگەکانی چاکسازیەوە بکەن و ئەوان کێشەکەیان بۆ چارەسەر دەکەن، بۆ ئەم مەبەستەش ھیچ بڕە پارەیەک نادرێت .

3- ‌ئاگادارى ئه‌و كه‌سانه‌ش ده‌كه‌ین كه‌ ئیشى كاره‌بایی ده‌كه‌ن و په‌یژه‌یان پێیه‌ به‌هیچ شێوه‌یه‌ك بۆیان نییه‌ ده‌ستكارى پێوه‌رى زیره‌ك بكه‌ن، هه‌ر كه‌سێك ئه‌و كاره‌ بكات رووبه‌ڕووى رێكارى یاسایی ده‌بێته‌وه‌.