پارێزگارێ دهۆکێ وبالیوزێ وه‌ڵاتێ سویدێ ل عیراقێ ته‌که‌زى ل سه‌ر خورتکرنا په‌یوه‌ندیێن دوو قولى کر

 ئه‌ڤرو سپێدێ   25-5-2021  د.على ته‌ته‌ر پارێزگارێ دهۆكێ پێشوازیا به‌رێز(لارس روناس) بالیوزێ وه‌لاتێ سوێد ل عیراقا فیدرال وشاندێ دگه‌لدا كر.
دهه‌ڤدیتنه‌كێدا ب ئاماده‌بوونا شمعون شلیمون جێگرێ پارێزگارێ دهۆكێ و رێڤه‌به‌رێ گشتى یێ په‌روه‌ردێ ورێڤه‌به‌رێ گشتى یێ گه‌شه‌پێدانا جڤاكى به‌حسێ په‌وه‌ندیێن دوو قولى دناڤبه‌را گه‌لێ كورد وگه‌لێ سویدى وره‌وشا ره‌ڤه‌ندا كورد ل وى وه‌لاتى وره‌وشا سیاسى وئابورى  وچاندنێ  وگه‌شتوگوزارى و ره‌وشا ئاواره‌ وپه‌نابه‌ران ل سنورێ پارێزگه‌ها دهۆكێ ورولێ رێكخراوێن سویدى ل ده‌ڤه‌رێ  بو گه‌شه‌پێدانا مرۆڤایه‌تى و پروسا په‌روه‌ردێ وچاڤدێریا جڤاكى ب گشتى هاته‌ كرن.
پاش رێڤه‌به‌رێ گشتى یێ په‌روه‌ردێ ورێڤه‌به‌رێ گشتى یێ گه‌شه‌پێدانا جڤاكى راپورت ل دور وان پرۆژان یێن رێكخراوێن (SKL) و(سیدا ) پشته‌ڤانیێ لێ دكه‌ن به‌رچاڤكرن.
پارێزگارێ دهۆكێ خوشحالیا خو ب سه‌ره‌دانێ دیاركر ورولێ حكومه‌ت وگه‌لێ سویدى باش هه‌لسه‌نگاند هه‌مبه‌ر ئه‌و هاریكاریێن مروڤایه‌تى یێن به‌رده‌وام ب رێكا رێكخراوێن سویدى وه‌كو (SKL) و(سیدا ) یا سویدى بو خه‌لكێ هه‌رێما كوردستانێ پێشكێشدكه‌ن وگوت: ئه‌ڤ هاریكاریه‌ ناهێنه‌ ژبیركرن وخواست كو ئاستێ هه‌موو جورێن په‌یوه‌ندیا خوتر لێبهێن  وقه‌بارێ  هاریكاریێن مرۆڤایه‌تى  بو هه‌موو سه‌كته‌ران  پتر لێ بهێن وپتر مفا ژسه‌ربورا حكومه‌تا سویدێ بهێته‌ وه‌رگرتن.
ژلایێ خوڤه‌ بالیوزێ وه‌ڵاتێ سوید ته‌كه‌زى ل سه‌ر خورتكرنا په‌یوه‌ندیێن دوو قولى دناڤبه‌را هه‌ردوو حكومه‌تان دا كر وخوشحالیا خو دیاركر هه‌مبه‌ر ئالوگوركرنا پێزانینێن گشتى بو پێشئێخستنا پرۆژێن گه‌شه‌پێدانا مرۆڤایه‌تى و سه‌كته‌رێن په‌روه‌ردێ وچاڤدێریا جڤاكى ژبوپێگه‌هاندنا زاروكان .