یانه‌ی لیڤه‌رپول پاڵه‌وانی وه‌رزی ڕابردووی خولی ئینگلته‌را، جارێكی دیكه كه‌وته داوی یه‌كسان بوون و له هه‌فته‌ی سی و سێیه‌می خوله‌كه‌و له‌سه‌ر یاریگای خۆی به گۆڵێك له‌گه‌ڵ یانه‌ی نیوكاسل یونایتدی میوانی به‌رامبه‌ربوو.
یاریزانانی لیڤه‌رپول له هێرش و فشاره‌كانیان ده‌ستپێشخه‌ربوون و چوار خوله‌ك دوای فیكه‌ی ده‌ستپێكی یاری، محه‌مه‌د سه‌ڵاحی میسری و ئه‌ستێره‌ی ڕێدز گۆڵێكی بۆ تیپه‌كه‌ی تۆماركرد، له‌به‌رامبه‌ر ئه‌م گۆڵه‌ش یاریزانانی نیوكاسل خۆیان به ده‌سته‌وه نه‌داو هه‌وڵی یه‌كسان كردنه‌وه‌ی ئه‌نجامی یاریاندا، تا له دوایین خوله‌كانی كاتی زیادكراوی ڕووبه‌ڕوو بوونه‌وه‌كه‌دا، یاریزان جۆسێف ویلۆك ده‌رفه‌تێكی قۆسته‌وه‌و گۆڵی به‌رامبه‌ری میوانه‌كانی به‌ده‌ستهێنا.
به‌م ئه‌نجامه‌ش لیڤه‌رپول له دووه‌م یاری له‌سه‌ریه‌ك یه‌كسان بوو و كۆی خاڵه‌كانی له پله‌ی شه‌شه‌می ڕیزبه‌ندی یانه‌كان گه‌یانده په‌نجاوچوار خاڵ، ژماره‌ی خاڵه‌كانی نیوكاسل یونایتدیش له پله‌ی پازده‌می ڕیزبه‌ند بۆ سیی و شه‌ش خاڵ به‌رزبووه‌وه .
له‌پریمه‌رلیگ لیڤه‌رپول و نیوکاسڵ یونایتد یه‌کسانبوون
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.