له ده‌ست پێكی گه‌ری بیست و دووه‌مینی خولی یانه‌كانی فه‌ره‌نسا یانه‌ی لیۆن سه‌ركه‌وتنی به‌سه‌ر یانه‌ی بۆردۆ به‌ده‌ست هێناو به‌شێوه‌یه‌كی كاتی پێشه‌نگی یانه‌كانی له پاریس سانت جێرمان وه‌رگرته‌وه .
یاریه‌كه له‌سه‌ر یاریگای گرۆباما ستادیۆم به‌رێوه چوو ، له گێمی یه‌كه‌م خاوه‌ن مال به گۆلێكی یاریزانی كامیرۆنی كارل تۆكۆ ئیكامبی پێشكه‌وت كه گۆله‌كه‌ی له خوله‌كی سی و دوو تۆمار كرد .
له گێمی دووه‌م میوانه‌كان له هه‌ولی یه‌كسان كردنه‌وه‌ی ئه‌نجامه‌كه بوون تا له خوله‌كی په‌نجاو پێنج یاریزانی نه‌یجیری ساموێل كالۆ گۆلێكی تۆمار كردو یاریه‌كه‌ی گه‌رانده‌وه خالی سه‌ره‌تا .
هه‌ولی یاریزانانی هه‌ردوو یانه بۆ سه‌ركه‌تن و به‌ده‌ست هێنانی سێ خالی یاریه‌كه به‌رده‌وامی هه‌بوو ، له دوا خوله‌كی یاری و له خوله‌كی نه‌وه‌ت لیۆ دوبۆوای فه‌ره‌نسی گۆلی دووه‌م و بردنه‌وه‌ی بۆ خاوه‌ن یاریكا تۆمار كردو یانه‌ی لیۆن به‌م سه‌ركه‌وتنه‌ی گه‌رایه‌وه پێشه‌نگ وپله‌ی یه‌كه‌می یانه‌كانی به‌شێوه‌یه‌كی كاتی وه‌رگرته‌وه‌و بووه خاوه‌نی چلو شه‌ش خال ، یانه‌ی بۆردۆش به سیو دوو خال له پله‌ی حه‌وته‌م مایه‌وه .
لیۆن سه‌رکه‌وتنی به‌سه‌ر بۆردۆ تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.