وه‌زیرى بازرگانى و پیشه‌سازیى حكومه‌تى هه‌رێمى كوردستان سه‌ردانى كۆمه‌ڵگاى ده‌روازه‌یى نێو ده‌وڵه‌تى ئیبراهیم خلیل كرد و له كۆبوونه‌وه‌كه‌دا بیروبۆچوون و پێشنیاز سه‌باره‌ت به میكانزمه‌كانى جمۆجۆلى بازرگانى باس كران .
ئه‌مرۆ رێكه‌وتى 14ـه‌ى نیسانى 2020 "كه‌مال موسلیم" وه‌زیرى بازرگانى و پیشه‌سازیى حكومه‌تى هه‌رێمى كوردستان سه‌ردانى كۆمه‌ڵگاى ده‌روازه‌یى نێو ده‌وڵه‌تى ئیبراهیم خلیل كرد و له لایه‌ن سه‌رپه‌رشتى كۆمه‌ڵگاى ئیبراهیم خه‌لیل "حه‌مید عه‌لى" یه‌وه پێشوازى لێ كرا.
سه‌باره‌ت به جمۆجوڵى بازرگانى له ده‌روازه‌یى نێوده‌ڵه‌تى ئیبراهیم خه‌لیل كۆبوونه‌وه‌یه‌ك له‌نێوان وه‌زیرى بازرگانى و شاندى له‌گه‌ڵداو سه‌رپه‌رشتى كۆمه‌ڵگاو به‌رێوه‌به‌رى گومرگى كۆمه‌ڵگادا سازكرا، له كۆبوونه‌وه‌كه‌دا بیروبۆچوون و پێشنیاز سه‌باره‌ت به میكانزمه‌كانى جمۆجۆلى بازرگانى باس كران.
هه‌روه‌ها وه‌زیرى بازرگانى و شاندى له گه‌ڵیدا به مه‌یدانى سه‌ردانى پردى هاتنیان كرد كه ده‌كه‌وێته نێوان وڵاتى توركیاو هه‌رێمى كوردستان و له نزیكه‌وه ئاگادارى ڕه‌وشى جمۆجوڵى بازرگانى و ئه‌و رێكاره تەندروستیانه بو كه له ده‌روازه‌ى سنورى نێو ده‌وڵه‌تى ئیبراهیم خه‌لیله‌وه جێبه‌جێ ده‌كرێن.
کۆمێنت (0)
تا ئێستا هیچ کۆمێنتێک نەکراوە.