قائیمقامیەتی سلێمانی رایگەیاند، لەکۆگایەکی عەمبارکردنی خواردەمەنی دەست بەسەر بڕێکی زۆر برنجدا گیراوە و لەناوی دەبەن.
ئەمڕۆ دووشەممە 2019.12.30 لەلایەن لیژنەی کۆگاکانی سەربەلیژنەهاوبەشەکانی قائیمقامیەتی سلێمانی و لەکۆگایەکی ناوچەی پیشەسازی، دەستیان بەسەر بڕی 25تۆن برنجدا گرتووە کە ئەسپێی هەڵهێناوە و شیاوی خواردن نییە.
راشیده‌گه‌یه‌نن ، هۆکاری ئەسپێ هەڵهێنانەکە بۆ ئەوە دەگەڕێتەوە کە بەشێوەیەکی ناتەندروست و گەرمی شوێنەکە برنجەکەی تێدا عەمبار کراوە، بۆیە خراپ بووە وشیاوی خواردن وبەکار هێنان نییە
ئاماژه به‌وه‌ش ده‌كه‌ن رێنماییە تەندروستییەکان جەخت لە نەخوادنی ئەوخواردەمەنیانە دەکەنەوە کەمێرووی هەڵهێناوە، لەبەر ئەوەی زیان بەتەندروستی مرۆڤ دەگەیەنێت، بەڵام خاوەنی برنجەکە بەنیازبووە پاش بێژاندنەوە وپاککردنەوەی لەبازارەکانی شاری سلێمانی بەسەر هاوڵاتیاندا ساغی بکاتەوە.
له‌كۆتادا رایده‌گه‌یه‌نن ، بەفەرمانی قائیمقامی سلێمانی تەواوی برنجە دەست بەسەرداگیراوەکە لەناودەبرێت و خاوەنەکەشی روبەروی یاسا دەکرێتەوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.