له دوایین مامه‌ڵه‌كانی ڕۆژی هه‌ینی، نرخی زێڕ ڕووی له به‌رزبوونه‌وه كرد و باشترین ئاستی هه‌فتانه‌ی به‌خۆوه بینی له ماوه‌ی چوار هه‌فته‌ی ڕابردوودا، دابه‌زینی به‌های دۆلاری ئه‌مه‌ریكی به‌رامبه‌ر به دراوه جیهانییه‌كانی دیكه و ترسی وه‌به‌رهێنه‌ران بۆ بازاڕه‌كان له‌گه‌ڵ نزیكبوونه‌وه‌ی سه‌ری ساڵ، هۆكاری سه‌ره‌كیی به‌رزبوونه‌وه‌ی نرخی زێڕن.
له دوایین مامه‌ڵه‌كاندا نرخی زێر به‌ڕێژه‌ی سه‌دا 0.2 هه‌ڵكشا و هه‌ر ئۆنسه‌یه‌كی به 1517 دۆلار مامه‌ڵه‌ی پێوه‌كرا .
له لایه‌كی دیكه‌وه حكومه‌تی ڕووسیا ده‌یه‌وێت وه‌به‌رهێنان بكات له به‌شێكی سندوقی سه‌روه‌تی نیشتیمانی وڵاته‌كه‌ی تایبه‌ت به‌زێر، ئه‌مساڵ نرخی زێر گه‌یشتۆته باشترین ئاستی له وه‌ته‌ی ساڵی 2010 تائێستا و به‌ڕێژه‌ی سه‌دا 18 به‌رزبۆته‌وه.
هۆكاری ئه‌و هه‌ڵكشانه‌ی نرخی زێڕ له ماوه‌ی ته‌واوی ئه‌مساڵ به‌خۆوه‌ی بینیوه بۆ شه‌ڕی بازاڕگانی نێوان چین و ئه‌مه‌ریكا ده‌گه‌ڕێته‌وه كه تا چه‌ند ڕۆژ پێش ئێستا به‌رده‌وامی هه‌بوو و بڕیاره له ماوه‌یه‌كی نزیكدا ڕێككه‌وتنی كۆتایی له‌مباره‌یه‌وه ئیمزا بكه‌ن.
کۆمێنت (0)
تا ئێستا هیچ کۆمێنتێک نەکراوە.