بڕیاره ئه‌مڕۆ پێنجشه‌ممه 21/11/2019به چاودێری (ئالان حه‌مه‌سه‌عید ساڵح) وه‌زیری په‌روه‌رده‌ی حكوومه‌تی ھه‌رێمی كوردستان، پێشانگایه‌كی تایبه‌ت بۆ مامۆستایانی په‌روه‌رده‌كانی ھه‌رێمی سنووری پارێزگای ھه‌ولێر، له گه‌له‌ریی به‌ڕێوه‌به‌رایه‌تی گشتی چالاكی وه‌رزش و ھونه‌ر بكرێته‌وه.
ئه‌و پێشانگایه چه‌ندین تابلۆی ناوازه‌ی شێوه‌كاری له ئامێز ده‌گرێت، جگه له چه‌ند كارێكی ده‌ستی، بڕیاریشه ماوه‌ی 3 مانگ به‌رده‌وام بێت.
ئامانجیش له كردنه‌وه‌ی ئه‌و پێشانگایه‌دا ئه‌وه‌یه، كه له‌و پڕۆژه ھونه‌رییه‌دا مامۆستایان به‌ھره و داھێنانی خۆیان بخه‌نه‌ڕوو، ھاوكات به‌رھه‌مه ده‌ستیه‌كان به ئاماده‌بووانی پێشانگاكه ئاشنا بكه‌ن.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.