هه‌ڵبه‌ته پیاز چه‌ند ره‌نگێكی هه‌یه وه‌كو سوور،سپی، سه‌وز، زه‌رد، ئه‌م هه‌مه‌ره‌نگیه‌ی پیاز هه‌ریه‌كه‌ی به‌های خۆراكی خۆی هه‌یه.
لێره‌دا باس له سووده‌كانی پیازی سوورو سپی ده‌كه‌ین.
یه‌كه‌م: پیازی سوور
پیازی سوور یارمه‌تیده‌ره بۆ له‌ناوبردنی میكرۆب و هه‌وكردن، هه‌روه‌ها ئه‌و چه‌ورییه‌ی كه له‌نێوی دایه، رێگری له‌كۆكه ده‌كات و ده‌بێته چاره‌سه‌ر بۆ سه‌رما بردوویی.
هه‌روه‌ها پیازی سوور ئه‌و هه‌سته‌وه‌رییه‌ی تووشی جه‌سته‌ی مرۆڤ ده‌بێ، كه‌مده‌كاته‌وه و پارێزگاری له‌دڵ و ده‌ماره‌كان ده‌كات.
جگه له‌مانه‌ی باسمان كرد ، پیازی سوور كۆلیسترۆڵی زیان به‌خش له‌نێو خوێن كه‌م ده‌كاته‌وه‌و رێگه له‌خه‌ستبوونه‌وه‌ی خوێن ده‌گرێ و ده‌ماره‌كانی خوێن پته‌و ده‌كات و رێگری له بوونی خانه شێرپه‌نجه‌ییه‌كان ده‌گرێت و به‌رگری له‌ش به‌هێز ده‌كات.
دووه‌م پیازی سپی:
ئه‌م پیازه ده‌م له ڤایه‌رۆس و به‌كتریا پاك ده‌كاته‌وه‌و چاره‌سه‌ری كێشه‌كانی هه‌ناسه‌دان ده‌كات، وه‌ك هه‌وكردنی قورگ و گوێ و گه‌روو.
هه‌روه‌ها پیازی سپی نیشانه‌كانی ته‌نگه‌نه‌فه‌سی كه‌م ده‌كاته‌وه‌و چاره‌سه‌ری حاڵه‌ته‌كانی پژمین ده‌كات و یارممه‌تیده‌ریشه بۆ چاره‌سه‌ری كۆخه و به‌ڵغه‌م.
هه‌روه‌ها پیازی سپی رۆڵێكی سه‌ره‌كی هه‌یه بۆ پیتاندن لای پیاوان ئه‌مه‌ش له‌میانه‌ی كاركردن له چالاككردنی سووری خۆین دێت، هه‌روه‌ها خانه‌كانی له‌ش له له‌ناوچوون ده‌پارێزێت.
وه‌رگێڕان و داڕشتنه‌وه‌ی / رزگار
سه‌رچاوه /سكای نیوز
کۆمێنت (0)
تا ئێستا هیچ کۆمێنتێک نەکراوە.