نرخی نه‌وت له بۆرسه‌كانی جیهان به‌رزبوونه‌وه‌ی به‌خۆوه بینی كه‌مبوونه‌وه‌ی نه‌وتی كۆگاكراوی ئه‌مه‌ریكاو باشتربوونی دۆخی بازاڕه‌كان به تایبه‌ت له چین و كه‌مبوونه‌وه‌ی ناكۆكییه بازرگانییه‌كانی نێوان چین و ئه‌مه‌ریكا به ده‌ستپێكردنه‌وه‌ی گفتوگۆكانیان ئه‌مڕۆش پاڵپشتییان له هه‌ڵكشانی نرخی نه‌وتی كرد .
ئه‌مڕۆ هه‌ینی له‌كاتی كردنه‌وه‌ی بۆرسه نرخی هه‌ر به‌رمیلێك له نه‌وتی برێنت به 61 دۆلارو یه‌ك سه‌نت مامه‌ڵه‌ی پێوه‌كرا .
هه‌روه‌ها هه‌ر به‌رمیلێك له نه‌وتی خاوی ئه‌مه‌ریكی به 56 دۆلارو 35 سه‌نت مامه‌ڵه‌ی پێوه‌كرا .
فه‌رمانگه‌ی زانیاریی وزه‌ی ئه‌مریكا، ئاشكرایكرد نه‌وتی كۆگاكراوی ئه‌و وڵاته له هه‌فته‌ی رابردوودا به‌ڕێژه‌ی له‌سه‌دا 1.1 دابه‌زیوه و بۆ 423 ملیۆن به‌رمیل كه‌میكردووه، ئه‌مه له كاتێكدا پێشبینی ده‌كرا بڕه‌كه‌ی به‌ڕێژه‌ی له‌سه‌دا 2.5 كه‌م بكات .
کۆمێنت (0)
تا ئێستا هیچ کۆمێنتێک نەکراوە.