دوای وەستاندنی بۆ ماوەی چەند ساڵێك بەهۆی قەیرانی دارایی پرۆژەی رووناككردنەوەی شەقامێكی سەرەكی لەرانیە دەستی پێكردەوەو لەئیستادا لەقۆناغی كۆتاییدایە.
عەلی محەمەد بەرێوەبەری دابەشكردنی كارەبای رانیە رایگەیاند: دوای وەستاندنی بۆ ماوەی چەند ساڵێك بەهۆی قەیرانی دارایی پرۆژەی رووناككردنەوەی شەقامی سەرەكی رێگای رانیە -قەڵادزێ دەستی پێكردووەتەوەو لەئێستادا لەقۆناغی كۆتاییدایە.
راشیگەیاند: پرۆژەكە لەسەربودجەی گەشەپیدانی هەرێمەکانی ساڵی ۲۰۱۳کە لەمانگی ئایاری ۲۰۱٤ دەست بەکاربووە بەهۆی قەیرانی داراییەوە وەستا، بەڵام لە(٥/۹/۲۰۱۸) دەست بەکاربۆتەوەو لەئێستادا پڕۆژەکە لەقۆناغەکانی کۆتایی دایە و بودجەی پڕۆژەکە ۹۱۸۰۰۰۰۰۰ نۆ سەدو هەژدە ملیۆن دینارە .
روونیشیكردەوە پڕۆژەكە هەڵگرتنەوەی ستوونەکانی دەروازی شاری ڕانیەو دانانەوەی ستوونی تازە لەشوێنیان و دانانی ستوونە کۆنەکان لەسەر ڕێگای گشتی ڕانیە وقەڵادزێ دادەنرێن کە لە بوسکێنەوە دەست پێدەکات تاکو دەربەند.
پڕۆژەکە لەلایەن کۆمپانیای چراغ-ەوە جێبەجێ دەکرێت ولەلایەن بەڕێوەبەرایەتی دابەشکردنی کارەبای ڕاپەڕینەوە سەرپەرشتی دەکرێت لەئێستادا لەقۆناغەکانی کۆتایی دایەو شەقامەكە رووناك دەكاتەوە.
پێكهاتەی پڕۆژەکە بریتیە لە: ۱٤٦ ستوونی ئینارەی تازە، ۱٤۱ستوونی هەڵگیراوە، ۱۲۲ستوونی پەستان بەرز، ۱٥کم تەلی ۹٥ملم پەستان بەرز، ٤محویلەی کارەبا.
شوان عهزیز
کۆمێنت (0)
تا ئێستا هیچ کۆمێنتێک نەکراوە.