سووده‌کانی خواردنی ئارو بزانه‌

خواردنی ئارو (خه‌یار)، یارمه‌تی به‌هێزكردنی خانه‌كانی جه‌سته‌ ده‌دات و كرداره‌كانی كۆئه‌ندامی هه‌رس چالاك ده‌كات.

گرنگترین سووده‌كانی ئارو:

1- سه‌رچاوه‌ی ڤیتامینه‌ - له‌شی مرۆڤ له‌ هاویندا زۆر مادده‌ی سوودبه‌خش له‌ده‌ست ده‌دات، له‌نێویانیشدا، ڤیتامینه‌كانی A و B و C، كه‌ سیسته‌می به‌رگری له‌ش به‌هێز ده‌كه‌ن و جه‌سته‌ له‌ ماندوێتی ده‌پارێزن. ئارو به‌وه‌ ناسراوه‌ كه‌ له‌توانایدایه‌ ئه‌و ماددانه‌ قه‌ره‌بوو بكاته‌وه‌ بۆ جه‌سته‌.

2- كاری مێشك باشتر ده‌كات – ئارو سه‌رچاوه‌یه‌كی گرنگی ئاوێته‌كانی فلافۆنیلی دژه‌ ئۆكسێنه‌، ئه‌م ئاوێتانه‌ش ترپه‌ ده‌ماره‌كان و جۆری سیگناڵه‌كانی خانه‌كانی مێشك باشتر ده‌كه‌ن.

3- په‌رچه‌كرداری ماندووبوون كه‌م ده‌كاته‌وه‌ - ئارو، رێژه‌یه‌كی زۆر له‌ كۆمه‌ڵه‌ی ڤیتامین В (ڤیتامین B1 و ڤیتامین B5 و ڤیتامین B7)ی تێدایه‌ كه‌ باری دڵه‌ڕاوكێ و ئاكامه‌كانی ماندووبوون سووك ده‌كه‌ن.

4- یارمه‌تی كرداری هه‌رسكردن ده‌دات – ئارو كرداری هه‌رسكردن باش ده‌كات له‌ جه‌سته‌دا، چونكه‌ دوو توخمی گرنگی تێدایه‌ كه‌ یارمه‌تی هه‌رس ده‌ده‌ن، ئه‌وانیش بریتین له‌ ئاو و ریشاڵه‌ خۆراكییه‌كان.

5- پارێزگاری له‌ دڵ ده‌كات – ئارو توخمی پۆتاسیۆمی تێدایه ‌كه‌ كرداری رێكخستنی ئاستی په‌ستانی خوێن باش ده‌كات، هه‌روه‌ها به‌رپرسه‌ له‌ گواستنه‌وه‌ی ترپه‌ ده‌ماره‌كان كه‌ ماسوولكه‌ی دڵ كرژ ده‌كه‌نه‌وه‌ و كارده‌كه‌نه‌ سه‌ر كاركردنی دڵ.

 سه‌رچاوه‌/  Kurdistan CT

كوردستان تیڤی/ كامران