چەند هۆكاریك هەیە بۆئەوەی مرۆڤ هەست بە هەڵچوون و شڵەژاوی بكات لەمانگی رەمەزانی پیرۆزدا ، كەئەمانە لەدیارترین هۆكارەنیەتی:
- كەمی ئاو لەكاتی بەڕۆژووبوون: بەپێی لێكۆڵینەوەكان دەركەوتووە ئاو رۆڵێكی زۆری هەیە لە مێشك و لە 75%ی مێشك لەئاو پێكهاتووە و كەمبوونەوەی ئاو لەسەعاتەكانی بەرۆژووبوون لێپرسراوە لەتێكچوونی ئەركەكانی ئەم ئەندامە گرنگەی جەستە.
هەروەها كەمبوونەوەی ئاو دەبێتە هۆی هەڵچوون و شڵەژان و لاوازبوونی سەرنجدان ئەویش بەهۆی ئەوەی مێشك مەوادی دیكە دەردەدات لەبری كەمبوونەوەی ئاو كەزۆرینەی جار ئەو مەوادانە رۆڵیان هەیە لەزیادبوونی هەڵچوون و توڕەیی.
- پشت بەستن بەووریاكەرەوە: هەندێك لەمرۆڤەكان جگەرە دەكێشن یاخود پشت دەبەستن بەخواردنەوەی ووریاكەرەوەكان و لەكاتی بەرۆژووبوون و نەمانی ئەو مەوادانە ئەوا حاڵەتی بێزاری و شڵەژان و توڕەیی دایان دەگرێت.
- ئالوودەبوونی جگەرە و نێرگەلە: لەكاتی بەرۆژووبوون و دووركەوتنەوە لەكێشانی ئەم مەوادانە لای كەسانی جگەرەكێش ئەوا رێژەی تووڕەیی زیاد دەكات.
- كەمی رێژەی شەكر لەخوێندا: بەرۆژوبوون دەبێتە هۆی كەمبوونەوەی رێژەی شەكر لەخوێن و لەو كاتەدا هەندێك نیشانەی شڵەژان و رەفتاری ناسروشتی دەردەكەوێت.
سه‌رچاوه - تەندروستی سلێمانی
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.