كچه یاریزانی ئۆكراینی دیانا یاسترێ مسكا گه‌یشته یاری كۆتایی پاڵه‌وانێتی نێوده‌وڵه‌تی ستراسبۆرگی فه‌ڕه‌نسی له یاری تێنسی سه‌رزه‌وی له ئاستی خانمان
له قۆناغی پێش كۆتایی پاڵه‌وانێتیه‌كه‌دا، یاسترێمسكای ته‌مه‌ن نۆزده ساڵ و پۆلێنكراوی چلویه‌كه‌می ڕیزبه‌ندی كچه تێنسزانانی جیهان به دوو كۆمه‌ڵه‌ی بێ به‌رامبه‌رو ئه‌نجامی كۆمه‌ڵه‌كان شه‌ش چوار، شه‌ش چوار له ئارینا سابالێنكای بیلاڕوسی و پۆلێنكراوی ده‌یه‌می ڕیزبه‌ندی جیهانی برده‌وه
یاسترێ مسكا هه‌وڵی بردنه‌وه‌ی سێیه‌م نازناو له كاروانی پیشه‌گه‌ری خۆی ده‌دات و له یاری كۆتایشدا، ڕووبه‌ڕووی كارۆلین گارسیای فه‌ڕه‌نسی ده‌بێته‌وه، جێگای باسه ئه‌م پاڵه‌وانێتیه وه‌ك دوایین ئاماده‌كاری كچه یاریزانانی تێنسه بۆ به‌شداریكردن له پاڵه‌وانێتی رۆلان گارۆس
کۆمێنت (0)
تا ئێستا هیچ کۆمێنتێک نەکراوە.