له خۆپیشاندانێكی لایه‌نگرانی ره‌وتی سه‌در، موقته‌دا سه‌در كه له به‌غدا و پارێزگاكانی ناوه‌ڕاست و باشوور ئه‌نجامدرا، داوا كرا عێراق له گرژییه‌كانی نێوان ئه‌مریكا و ئێران له ناوچه‌كه‌دا، دوور بخرێته‌وه.
شه‌وی رابردوو ژماره‌یه‌كی زۆر له لایه‌نگرانی سه‌در له گۆڕه‌پانی ته‌حریر ناوه‌راستی به‌غدا خۆپیشاندانیان ئه‌نجامدا و كاردانه‌وه‌یان نیشاندا له ھه‌مبه‌ر گرژییه‌كانی نێوان ئه‌مریكا و ئێران له ناوچه‌كه‌دا.
له خۆپیشاندانه‌كه‌دا به‌رپرسی نووسینگه‌ی سه‌در له به‌غدا، ئیبراھیم جابر له گوتارێكدا جه‌ختی له‌وه كرده‌وه كه گه‌لی عێراق رژاونه‌ته سه‌ر شه‌قامه‌كان و دوا ده‌كه‌ن حكوومه‌تی فیدراڵی رێكاری پێویست له‌پێناو سه‌لامه‌تی وڵات له جه‌نگ، بگرێته‌به‌ر.
گوتیشی: نامانه‌وێت ھیچ جه‌نگێكی دیكه به‌سه‌ر گه‌لی عێراقدا بسه‌پێندرێت.
به‌هه‌مانشێوه لایه‌نگرانی سه‌در له پارێزگاكانی ناوه‌ڕاست و باشوور خۆپیشاندانیان ئه‌نجامدا و داوایان كرد كه عێراق له گرژییه‌كانی نێوان ئه‌مریكا و ئێران له ناوچه‌كه‌دا، دوور بخرێته‌وه.
کۆمێنت (0)
تا ئێستا هیچ کۆمێنتێک نەکراوە.