وەزارەتی دارایی و ئابووریی حکوومەتی هەرێمی کوردستان تا ئێستا هیچ بڕیارێكی ده‌رنه‌كردووه بۆ وەرگرتنەوەی پێشینەی خانوو و هاوسەرگیری.
نووسینگه‌ی ڕاگه‌یاندنی وه‌زیری دارایی حكومه‌تی هه‌رێمی كوردستان به كوردستان تیڤی ڕاگه‌یاند: تاوه‌كو ئێستا هیچ بڕیارێك بۆ وه‌رگرتنه‌وه‌ی قه‌رزه‌كانی پێشینه‌ی هاوسه‌رگیری و خانووبه‌ره نه‌دراوه.
ڕاشیگه‌یاند: هه‌ر كاتێك بڕیاره‌كه بكه‌وێته بواری جێبه‌جێكردن ئه‌وا ده‌ست ده‌كرێت به وه‌رگرتنه‌وه‌ی قه‌رزه‌كان.
له‌میانی به‌شداریكردنی له گه‌شتی هه‌واڵه ئابووریه‌كان لیزا فه‌له‌كه‌دین كاكه‌یی ئه‌ندامی لێژنه‌ی دارایی په‌رله‌مانی كوردستان ڕایگه‌یاند: ئه‌وان گرێنتیان له وه‌زیری دارایی وه‌رگرتووه بۆ دواخستنی وه‌رگرتنه‌وه‌ی قه‌رزه‌كان تا چه‌ند مانگێكی دیكه.
ئاماژه‌ی به‌وه‌شدا: پڕۆژه‌یه‌كیان ئاماده‌كردووه به‌پێی پڕۆژه‌كه قه‌رزه‌كان كه هی چوار ساڵه به میكانیزمێك به هه‌مان ماوه له هاووڵاتیان وه‌ربگیرێته‌وه.
ئاماده‌كردنی / سیامه‌ند كه‌ریم
کۆمێنت (0)
تا ئێستا هیچ کۆمێنتێک نەکراوە.